Foto: gov.kz
Ulttyq ekonomika ministri Álibek Qýantyrov Qazaqstan basqa elder sanktsiiany ainalyp ótetin iýrisdiktsiia bolmaitynyna sendirdi, - dep habarlaidy Tengrinews.kz saity.
Brifingte jýrnalister Qýantyrovtan Qazaqstannan Reseige parallel importtaý týraly qaýesetke sheteldik investorlar qalai qaraitynyn surady.
"Eger osyndai iri qatysýshylar kelip (Astana halyqaralyq forýmyna. – esk.) jatqanyn kórseńiz, bul olardy qorqytpaidy dep oilaimyn. (...) Biz sanktsiialardy ainalyp ótetin aýmaq, iýrisdiktsiia bolmaitynymyzdy ashyq málimdeimiz. Iá, iri seriktesterimizben saýda jasaimyz, biraq sanktsiialanǵan taýarlardy emes. Olar bizdiń elde ónimdi eksporttaýǵa belgili bir tyiym salynǵanyn jáne t.b. biledi. Biz sanktsiiaǵa ushyraǵan eldermen de, osy sanktsiialardy engizip jatqandarmen de syndarly dialog júrgizip jatyrmyz. Bárine aitatynymyz: "Tyńdańyzdar, bizdiń geografiiamyz sondai. Jalpy, sanktsiia salatyn sizder, zardap shegetin biz", - dedi Qýantyrov.
Ministr Qazaqstan qaqtyǵysqa qatysýshy emes, sondyqtan el shyǵyny az joldy tańdaýy kerek dep túsindirdi.
"Eń bolmaǵanda zardap shekpeitindei jumys isteiik. Shyǵyndardy azaitaiyq. Taza pragmatikalyq turǵydan alǵanda, janjal bizdiki emes. Biz odan ári damýymyz kerek", - dep túsindirdi Qýantyrov.
