Halyqaralyq jasyl tehnologiialar ortalyǵynda «Jasyl» ekonomika jáne eń ozyq qoljetimdi tehnologiialar qaǵidattaryna kóshý máseleleri» atty II halyqaralyq konferentsiia bastaldy, dep habarlaidy QazAqparat .
«Bizdiń dástúrli jiynǵa jańa qatysýshylardyń qosylǵany qýantady. Bul ekologiialyq máselelerge bei-jai qaramaityndardyń qatary artqanyn kórsetedi. Qazaqstan Respýblikasy álemdik qaýymdastyqtyń tolyqqandy qatysýshysy bola otyryp, kedeilikti joiýǵa, teńsizdik pen ádiletsizdikke qarsy kúreske jáne klimattyq ózgerister problemalardyn sheshýge baǵyttalǵan turaqty damýdyń 17 maqsatyn qamtityn 2030 jylǵa deiingi kún tártibinde qoiylǵan mindetterdi oryndaý boiynsha birqatar mindetteme qabyldady», - dedi QR Ekologiia, geologiia jáne tabiǵi resýrstar vitse-ministri Ahmetjan Pirimqulov konferentsiianyń ashylý saltanatynda.
Spiker Qazaqstannyń Eýraziia qurlyǵynyń ekologiialyq turaqtylyǵyn qamtamasyz etýde erekshe ról atqaratynyn atap ótti. Qazaqstannyń jer kólemi, klimattyq jaǵdaiynyń alýan túrliligi, óńirdegi sý teńgeriminiń erekshelikteri tutas Eýraziia aýmaǵyndaǵy ekologiialyq ahýalǵa yqpal etedi.
«Qazaqstannyń aldynda turaqty, teńgerimdi, «jasyl» ósimge qol jetkizý jóninde aýqymdy mindet tur. 2050 jylǵa qarai elimiz resýrsqa baǵdarlanǵan ekonomikadan anaǵurlym taza, innovatsiialyq jáne ártarapty modelge aýysý arqyly álemniń damyǵan otyz eliniń qataryna kirýge umtylýda. Bul úshin memlekettik basqarý júiesin jetildirýge, ekonomikanyń ashyqtyǵy men básekege qabilettiligin arttyrýǵa, ekologiiaǵa baǵdarlanǵan damýǵa kómektesetin qaita qurýlar qajet. Ult kóshbasshysy belgilep, Prezident Qasym-Jomart Toqaev jalǵastyrǵan «jasyl» baǵyt memlekettik reformalar úshin baǵdar qyzmetin atqarady. Damýdyń ekonomikalyq, ekologiialyq, áleýmettik jáne saiasi faktorlaryn biriktirip, Qazaqstan halqynyń ómir súrý sapasyn arttyrýǵa baǵyttalǵan birtutas protsess retinde qaralýy kerek», - dedi A. Pirimqulov.
Sonymen birge, vitse-ministr ekologiianyń shegi men ulty bolmaitynyn, sondyqtan tek úilesimdi, birlesken kúsh-jigermen ǵana aitarlyqtai nátijelerge qol jetkizetinderin eske saldy.
«Bizdiń búgingi kezdesýimiz ekologiialyq sananyń, ekologiialyq sanany reformalaýdyń qajetti jáne mindetti ekenin túsinýge jasalǵan taǵy bir qadam bolady dep úmittenemin», - dedi Ahmetjan Pirimqulov.
Aita keteiik, konferentsiianyń basty spikerleri retinde qazaqstandyq sarapshylar jáne Lastanýdyń aldyn alý jáne baqylaý jónindegi Eýropalyq keshendi biýronyń basshysy Serj Roýdie, BUU ESKATO Qorshaǵan orta jáne damý departamentiniń direktory Stefanes Fotiý, Qorshaǵan orta jónindegi nemis agenttiginiń ónerkásiptik shyǵaryndylar direktivasy jónindegi ýákiletti ulttyq organnyń sarapshysy Katia Kraýs siiaqty taiaý jáne alys shetelden kelgen sarapshylar qatysady.
