Qazaqstan reseilik «SBER» platformasynan bas tartty. Bul týraly QR Tsifrlyq damý, innovatsiialar jáne aeroǵarysh ónerkásibi vitse-ministri Asqar Jambaqin málim etti, dep habarlaidy QazAqparat.
«Qazirgi geosaiasi ahýaldy, sonymen qatar ózge de tájiribelerimizdi saralai kele óz kúshimizben, «Ulttyq aqparattyq tehnologiialar» AQ-ymen jasaimyz dep sheshtik. Bul platforma qazaqstandyq IT-kompaniialardyń kúshimen jasalady. Qazir tehnikalyq-ekonomikalyq saraptama jasalyp jatyr. Jyl sońyna deiin birinshi servister daiyn bolady. Jobaǵa 2-3 jylda kóshemiz», - dedi ol Ortalyq kommýnkatsiialar qyzmetindegi baspasóz máslihatynda BAQ ókilderiniń saýalyna orai.
Buǵan deiin QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Sberbankpen aradaǵy tsifrlyq platformanyń ornyna otandyq joba iske asyrylýy múmkin ekenin aitqan bolatyn.
«Geosaiasattyń saldarynan biz áli sheshim qabyldaǵan joqpyz. Iaǵni odan bas tartamyz ba nemese basqa tehnologiiaǵa kóshemiz be degen másele pysyqtalyp jatyr. Biraq palatformaǵa kóshetinimiz anyq. Osy oraida ózimiz jasaǵan júie de bolýy múmkin. Biz bir jyldyń ishinde tiisti taldaý jumystaryn júrgizdik. Ózimiz jasaǵan platformaǵa belgili bir ýaqyt pen qarajat kerek bolady. Talqylaý aiaqtalǵan soń, bir aidyń ishinde tolyq aqparatty jariialaimyn», - degen edi Baǵdat Mýsin.
