Foto: pexels.com
Qazaqstan Reseige taýardyń 106 túrin jetkizýdi toqtatty. Bul týraly saýda jáne integratsiia vitse-ministri Qairat Tórebaev aitty, - dep habarlaidy Tengrinews.kz saity.
"Siz plenarlyq otyrysta Resei men Ýkraina arasyndaǵy soǵys týraly aittyńyz. Soǵys byltyr aqpanda bastaldy. Sodan beri Qazaqstan Resei aýmaǵy arqyly qandai taýarlardy eksport jasai almai qaldy? Reseige qandai taýarlardy eksporttai almaimyz?" – dep surady jýrnalister Senat kýlýarynda.
Suraqtarǵa jaýap bergen Tórebaev tek soǵysqa qatysty taýarlar eksporty shektelgenin túsindirdi.
"106 túrli ónim. Biz olardyń eksportyn tolyǵymen shektedik. Bul - áskeri maqsattaǵy taýarlar. Mysaly, drondar jáne olardyń quramdas bólikteri. Mamandandyrylǵan elektronika, chipter jáne uqsas ónimder", - dep túsindirdi Qairat Tórebaev.
