Qazaqstan Resei Federatsiiasyna qarsy sanktsiialyq qysymǵa qosylyp, Reseidiń múddelerine nuqsan keltiretin qadamdar jasamaidy, dep málimdedi Premer-ministrdiń orynbasary - syrtqy ister ministri Muhtar Tileýberdi. Bul týraly Sputnik Qazaqstan agenttigi habarlady.
"Bizdiń elimiz, árine, BUU Qaýipsizdik keńesiniń qararymen salynǵan sanktsiialardy qospaǵanda, sanktsiialardy memleketaralyq qarym-qatynasta qysym jasaý quraly retinde qoldanýǵa árqashan qarsy", - dedi Tileýberdi memlekettik arnaǵa bergen suhbatynda.
Onyń aitýynsha, kez kelgen ekonomikalyq nemese saiasi sanktsiialardy qoldaný halyqaralyq daýlar men qaqtyǵystardy sheshýdiń eń tiimdi joly emes ekenin tájiribe kórsetip otyr.
"Sondyqtan Qazaqstan Resei Federatsiiasyna qarsy sanktsiialyq qysymǵa qosylyp, Reseidiń múddelerine qandai da bir nuqsan keltiretin jáne bizdiń seriktestiktiń baǵytyna qaishy keletin qadamdar jasaýǵa nietti emes", - dep tolyqtyrdy ministr.
Tileýberdiniń pikirinshe, Resei ekonomikasyn oqshaýlaý búkil álemdik ekonomikalyq júiege ziianyn tigizedi.
"Jalpy alǵanda, álemdegi eń iri ekonomikalardyń birin uzaq merzimge oqshaýlaý, árine, búkil jahandyq ekonomikanyń damýyna ziianyn tigizedi. Osyǵan bailanysty, halyqaralyq qaýymdastyq Máskeý men Kiev arasyndaǵy qaqtyǵysty beibit jolmen sheshýge odan ári kómektesýi kerek dep sanaimyz", - dep RIA Novosti onyń sózinen úzindi keltirdi.
