قازاقستان رەسەي فەدەراتسيياسىنا قارسى سانكتسييالىق قىسىمعا قوسىلىپ, رەسەيدٸڭ مٷددەلەرٸنە نۇقسان كەلتٸرەتٸن قادامدار جاسامايدى, دەپ مەلٸمدەدٸ پرەمەر-مينيستردٸڭ ورىنباسارى - سىرتقى ٸستەر مينيسترٸ مۇحتار تٸلەۋبەردٸ. بۇل تۋرالى Sputnik قازاقستان اگەنتتٸگٸ حابارلادى.
"بٸزدٸڭ ەلٸمٸز, ەرينە, بۇۇ قاۋٸپسٸزدٸك كەڭەسٸنٸڭ قارارىمەن سالىنعان سانكتسييالاردى قوسپاعاندا, سانكتسييالاردى مەملەكەتارالىق قارىم-قاتىناستا قىسىم جاساۋ قۇرالى رەتٸندە قولدانۋعا ەرقاشان قارسى", - دەدٸ تٸلەۋبەردٸ مەملەكەتتٸك ارناعا بەرگەن سۇحباتىندا.
ونىڭ ايتۋىنشا, كەز كەلگەن ەكونوميكالىق نەمەسە ساياسي سانكتسييالاردى قولدانۋ حالىقارالىق داۋلار مەن قاقتىعىستاردى شەشۋدٸڭ ەڭ تيٸمدٸ جولى ەمەس ەكەنٸن تەجٸريبە كٶرسەتٸپ وتىر.
"سوندىقتان قازاقستان رەسەي فەدەراتسيياسىنا قارسى سانكتسييالىق قىسىمعا قوسىلىپ, رەسەيدٸڭ مٷددەلەرٸنە قانداي دا بٸر نۇقسان كەلتٸرەتٸن جەنە بٸزدٸڭ سەرٸكتەستٸكتٸڭ باعىتىنا قايشى كەلەتٸن قادامدار جاساۋعا نيەتتٸ ەمەس", - دەپ تولىقتىردى مينيستر.
تٸلەۋبەردٸنٸڭ پٸكٸرٸنشە, رەسەي ەكونوميكاسىن وقشاۋلاۋ بٷكٸل ەلەمدٸك ەكونوميكالىق جٷيەگە زييانىن تيگٸزەدٸ.
"جالپى العاندا, ەلەمدەگٸ ەڭ ٸرٸ ەكونوميكالاردىڭ بٸرٸن ۇزاق مەرزٸمگە وقشاۋلاۋ, ەرينە, بٷكٸل جاھاندىق ەكونوميكانىڭ دامۋىنا زييانىن تيگٸزەدٸ. وسىعان بايلانىستى, حالىقارالىق قاۋىمداستىق مەسكەۋ مەن كيەۆ اراسىنداعى قاقتىعىستى بەيبٸت جولمەن شەشۋگە ودان ەرٸ كٶمەكتەسۋٸ كەرەك دەپ سانايمىز", - دەپ ريا نوۆوستي ونىڭ سٶزٸنەن ٷزٸندٸ كەلتٸردٸ.
