Qazaqstan syrtqy ister ministrligi (SIM) Resei syrtqy ister ministri Sergei Lavrovtyń "Qazaqstannyń AQSh azamattaryna elge vizasyz kelýine ruqsat berýi máselesin talqylaý kerek" degen málimdemesine jaýap qaiyrdy, dep jazady sn.kz.
Qazaqstandyq aqparat agenttikteriniń habarlaýynsha, SIM resmi ókili Ánýar Jainaqov Qazaqstannyń ózge el azamattaryna vizasyz rejim ornatýǵa "erikti ekenin" aitqan.
"Eýraziia ekonomikalyq odaǵy - saiasi birlestik emes. Odaq týraly kelisimdi jasaýda múshe elder ony saiasilandyrýdan jáne odaq quzyryna ulttyq egemendikke qatysty máselelerdi qosýdan bas tartqan" dedi Jainaqov.
Reseilik BAQ-tyń habarlaýynsha, Sergei Lavrov buǵan deiin "Resei - múmkindikter eli" dep atalatyn forýmda Qazaqstannyń AQSh azamattaryna vizasyz elge kelýine ruqsat berý jaiyn "Eýraziia ekonomikalyq odaǵy (EAEO) aiasynda kelisý qajetin" málimdegen. Lavrovtyń sózinshe, EAEO-da vizasyz júrip-turý erejesi bar.
Lavrov forýmda ózine bul týraly qoiylǵan suraqqa qatysty jaýabynda Qazaqstannyń AQSh azamattaryna vizasyz rejim ornatqanyn "buǵan deiin bilmegenin" aitqan. Ol 16 naýryzda Astanaǵa barǵan kezinde bul másele jaily qazaqstandyq áriptesimen sóilesetinin de jetkizgen.
