Qazaqstan kásipodaqtar federatsiiasy prezidenttikke úmitker retinde usynǵan Amangeldi Taspihov búgin, 25 sáýirde ortalyq sailaý komissiiasyna qujattaryn ótkizdi. Bul týraly komissiianyń resmi saitynda habarlandy.
Onyń ishinde kásipodaqtar birlestigi joǵary organynyń QR Prezidenttigine kandidat usyný jónindegi otyrysynyń hattamasynan úzindi, Amangeldi Taspihovtyń kandidat bolyp sailaýǵa qatysýǵa kelisimi, ómirbaiany, QR OOSK shotyna sailaý jarnasyn aýdarǵanyn kýálandyratyn qujat, jeke kýáliginiń kóshirmesi, JOO diplomdarynyń kóshirmeleri, memlekettik qyzmettegi ótilin rastaityn qujattar bar.
Úmitkerge memlekettik tilden emtihandy erteń, 26 sáýirde tapsyrady.
Ázirge til emtihanyn Qazaqstan prezidenti Qasym-Jomart Toqaev pen "Uly dala qyrandary" respýblikalyq qozǵalysy usynǵan Sádibek Túgel ǵana tapsyrdy. 23 sáýirde "Nur Otan" atynan sailaýǵa túsip jatqan Toqaevtyń "memlekettik til emtihanyn sátti tapsyrǵany" habarlandy. Jýrnalist Túgel mátininde "kishigirim pýnktýatsiialyq qateler jibergenimen", komissiia "memlekettik tildi erkin meńgergen" dep sheshken.
Qazaqstanda kezekten tys prezident sailaýy 9 maýsymda ótedi. Kandidattardy usyný - 28 sáýirde, tirkeý 11 mamyrda aiaqtalady.
