قازاقستان كەسٸپوداقتار فەدەراتسيياسى پرەزيدەنتتٸككە ٷمٸتكەر رەتٸندە ۇسىنعان امانگەلدٸ تاسپيحوۆ بٷگٸن, 25 سەۋٸردە ورتالىق سايلاۋ كوميسسيياسىنا قۇجاتتارىن ٶتكٸزدٸ. بۇل تۋرالى كوميسسييانىڭ رەسمي سايتىندا حابارلاندى.
ونىڭ ٸشٸندە كەسٸپوداقتار بٸرلەستٸگٸ جوعارى ورگانىنىڭ قر پرەزيدەنتتٸگٸنە كانديدات ۇسىنۋ جٶنٸندەگٸ وتىرىسىنىڭ حاتتاماسىنان ٷزٸندٸ, امانگەلدٸ تاسپيحوۆتىڭ كانديدات بولىپ سايلاۋعا قاتىسۋعا كەلiسiمٸ, ٶمٸربايانى, قر ووسك شوتىنا سايلاۋ جارناسىن اۋدارعانىن كۋەلاندىراتىن قۇجات, جەكە كۋەلٸگٸنٸڭ كٶشٸرمەسٸ, جوو ديپلومدارىنىڭ كٶشٸرمەلەرٸ, مەملەكەتتٸك قىزمەتتەگٸ ٶتٸلٸن راستايتىن قۇجاتتار بار.
ٷمٸتكەرگە مەملەكەتتٸك تٸلدەن ەمتيحاندى ەرتەڭ, 26 سەۋٸردە تاپسىرادى.
ەزٸرگە تٸل ەمتيحانىن قازاقستان پرەزيدەنتٸ قاسىم-جومارت توقاەۆ پەن "ۇلى دالا قىراندارى" رەسپۋبليكالىق قوزعالىسى ۇسىنعان سەدٸبەك تٷگەل عانا تاپسىردى. 23 سەۋٸردە "نۇر وتان" اتىنان سايلاۋعا تٷسٸپ جاتقان توقاەۆتىڭ "مەملەكەتتٸك تٸل ەمتيحانىن سەتتٸ تاپسىرعانى" حابارلاندى. جۋرناليست تٷگەل مەتٸنٸندە "كٸشٸگٸرٸم پۋنكتۋاتسييالىق قاتەلەر جٸبەرگەنٸمەن", كوميسسييا "مەملەكەتتٸك تٸلدٸ ەركٸن مەڭگەرگەن" دەپ شەشكەن.
قازاقستاندا كەزەكتەن تىس پرەزيدەنت سايلاۋى 9 ماۋسىمدا ٶتەدٸ. كانديداتتاردى ۇسىنۋ - 28 سەۋٸردە, تٸركەۋ 11 مامىردا اياقتالادى.
