Memleket basshysy Qasym-Jomart Toqaev Germaniianyń Miýnhen qalasyna jumys saparymen keldi, dep habarlaidy "Ult aqparat".
Sapar baǵdarlamasy aiasynda Prezident Miýnhen qaýipsizdik konferentsiiasynyń paneldik pikirtalasyna qatysady. Aita keteiik, Qazaqstan Prezidenti birneshe memlekettiń basshylarymen, halyqaralyq uiymdardyń, Germaniianyń iri kompaniialarynyń jetekshilerimen, sondai-aq akademiialyq toptardyń ókilderimen birqatar ekijaqty kezdesýler ótkizedi dep josparlanǵan.
Memleket basshysynyń baspasóz hatshysy Berik Ýáli Facebook paraqshasynda konferentsiiada Qasym-Jomart Toqaevtyń aimaqtyq qaýipsizdik máselelerine qatysty pikirtalasqa qatysyp, «Geografiialyq ornalasýdyń mańyzy: Ortalyq Aziia týraly áńgime» taqyrybynda sóz sóileitindigin jazdy.
Atalǵan Miýnhen konferentsiiasyna 40-qa jýyq memlekettiń basshylary, 100-den astam syrtqy ister jáne qorǵanys ministrleri, halyqaralyq qatynastar salasyndaǵy bedeldi sarapshylar, Eýrokomissiia ókilderi, sondai-aq Eýropalyq parlament depýtattary qatysady dep kútilýde.
Miýnhen qaýipsizdik konferentsiiasynyń 56-shy otyrysy 2020 jyldyń 14-16 aqpany aralyǵynda ótedi. Aldyn ala aqparat boiynsha, konferentsiiany Germaniianyń federaldyq prezidenti Frank-Valter Shtainmaier ashatyn bolady. Búginde birqatar eldiń basshylary forýmǵa qatysandyqtaryn rastady.
Konferentsiia kúntártibinde «EO men NATO bolashaǵy», «Kiberqaýipsizdik», «Densaýlyq saqtaý máseleleri», «Saýda soǵystary men sanktsiialar», «Jalǵan aqparat, nasihat pen kúmándi jańalyqtar», «Qytai róli men EO-nyń Reseimen jáne AQSh-pen qatynasy», «Taiaý Shyǵystaǵy ahýal» taqyryptary talqylanbaq.
Atap aitqanda, Memleket basshysynyń Miýnhen qaýipsizdik konferentsiiasyna qatysýy Qazaqstannyń bastamalaryn álemdik arenada ilgeriletýdiń, bitimgershilik salasyndaǵy negizgi óńirlik oiynshy retindegi Qazaqstannyń bedelin nyǵaitýdyń mańyzdy kezeńi bolady. Sonymen qatar, búgingi kezdesýler 2019 jylǵy jeltoqsanda Qasym-Jomart Toqaevtyń Germaniiaǵa resmi sapary barysynda qol jetkizilgen ýaǵdalastyqtardyń tiimdi iske asyrylýyna aitarlyqtai yqpal etedi.
Budan buryn habarlanǵandai, Memleket basshysy Qasym-Jomart Toqaevtyń Miýnhen qalasyna jumys saparymen baratyny aitylǵan edi.
