مەملەكەت باسشىسى قاسىم-جومارت توقاەۆ گەرمانييانىڭ ميۋنحەن قالاسىنا جۇمىس ساپارىمەن كەلدٸ, دەپ حابارلايدى "ۇلت اقپارات".
ساپار باعدارلاماسى اياسىندا پرەزيدەنت ميۋنحەن قاۋٸپسٸزدٸك كونفەرەنتسيياسىنىڭ پانەلدٸك پٸكٸرتالاسىنا قاتىسادى. ايتا كەتەيٸك, قازاقستان پرەزيدەنتٸ بٸرنەشە مەملەكەتتٸڭ باسشىلارىمەن, حالىقارالىق ۇيىمداردىڭ, گەرمانييانىڭ ٸرٸ كومپانييالارىنىڭ جەتەكشٸلەرٸمەن, سونداي-اق اكادەمييالىق توپتاردىڭ ٶكٸلدەرٸمەن بٸرقاتار ەكٸجاقتى كەزدەسۋلەر ٶتكٸزەدٸ دەپ جوسپارلانعان.
مەملەكەت باسشىسىنىڭ باسپاسٶز حاتشىسى بەرٸك ۋەلي Facebook پاراقشاسىندا كونفەرەنتسييادا قاسىم-جومارت توقاەۆتىڭ ايماقتىق قاۋٸپسٸزدٸك مەسەلەلەرٸنە قاتىستى پٸكٸرتالاسقا قاتىسىپ, «گەوگرافييالىق ورنالاسۋدىڭ ماڭىزى: ورتالىق ازييا تۋرالى ەڭگٸمە» تاقىرىبىندا سٶز سٶيلەيتٸندٸگٸن جازدى.
اتالعان ميۋنحەن كونفەرەنتسيياسىنا 40-قا جۋىق مەملەكەتتٸڭ باسشىلارى, 100-دەن استام سىرتقى ٸستەر جەنە قورعانىس مينيسترلەرٸ, حالىقارالىق قاتىناستار سالاسىنداعى بەدەلدٸ ساراپشىلار, ەۋروكوميسسييا ٶكٸلدەرٸ, سونداي-اق ەۋروپالىق پارلامەنت دەپۋتاتتارى قاتىسادى دەپ كٷتٸلۋدە.
ميۋنحەن قاۋٸپسٸزدٸك كونفەرەنتسيياسىنىڭ 56-شى وتىرىسى 2020 جىلدىڭ 14-16 اقپانى ارالىعىندا ٶتەدٸ. الدىن الا اقپارات بويىنشا, كونفەرەنتسييانى گەرمانييانىڭ فەدەرالدىق پرەزيدەنتٸ فرانك-ۆالتەر شتاينمايەر اشاتىن بولادى. بٷگٸندە بٸرقاتار ەلدٸڭ باسشىلارى فورۋمعا قاتىساندىقتارىن راستادى.
كونفەرەنتسييا كٷنتەرتٸبٸندە «ەو مەن ناتو بولاشاعى», «كيبەرقاۋٸپسٸزدٸك», «دەنساۋلىق ساقتاۋ مەسەلەلەرٸ», «ساۋدا سوعىستارى مەن سانكتسييالار», «جالعان اقپارات, ناسيحات پەن كٷمەندٸ جاڭالىقتار», «قىتاي رٶلٸ مەن ەو-نىڭ رەسەيمەن جەنە اقش-پەن قاتىناسى», «تاياۋ شىعىستاعى احۋال» تاقىرىپتارى تالقىلانباق.
اتاپ ايتقاندا, مەملەكەت باسشىسىنىڭ ميۋنحەن قاۋٸپسٸزدٸك كونفەرەنتسيياسىنا قاتىسۋى قازاقستاننىڭ باستامالارىن ەلەمدٸك ارەنادا ٸلگەرٸلەتۋدٸڭ, بٸتٸمگەرشٸلٸك سالاسىنداعى نەگٸزگٸ ٶڭٸرلٸك ويىنشى رەتٸندەگٸ قازاقستاننىڭ بەدەلٸن نىعايتۋدىڭ ماڭىزدى كەزەڭٸ بولادى. سونىمەن قاتار, بٷگٸنگٸ كەزدەسۋلەر 2019 جىلعى جەلتوقساندا قاسىم-جومارت توقاەۆتىڭ گەرمانيياعا رەسمي ساپارى بارىسىندا قول جەتكٸزٸلگەن ۋاعدالاستىقتاردىڭ تيٸمدٸ ٸسكە اسىرىلۋىنا ايتارلىقتاي ىقپال ەتەدٸ.
بۇدان بۇرىن حابارلانعانداي, مەملەكەت باسشىسى قاسىم-جومارت توقاەۆتىڭ ميۋنحەن قالاسىنا جۇمىس ساپارىمەن باراتىنى ايتىلعان ەدٸ.
