Qazaqstan Prezidenti Qasym-Jomart Toqaev Armeniianyń Premer-Ministri mindetin atqarýshy Nikol Pashinianǵa quttyqtaý jedelhatyn joldady, dep habarlaidy Aqorda.
Memleket basshysy Qazaqstan halqynyń jáne jeke óziniń atynan Nikol Pashiniandy ózi basqaratyn «Grajdanskii dogovor» partiiasynyń kezekten tys ótken Parlament sailaýyndaǵy jeńisimen quttyqtady.
– Daýys berý qorytyndysy memlekettilikti, ulttyq birlikti nyǵaitýǵa jáne eldegi ahýaldy turaqtandyrýǵa baǵyttalǵan Sizdiń saiasi ustanymyńyzdy halyq qoldaitynyn aiqyn kórsetti, – delingen jedelhatta.
Prezident birlesken belsendi kúsh-jigerdiń arqasynda Qazaqstan men Armeniia arasyndaǵy qarym-qatynastar ekijaqty formatta da, Eýraziialyq keńistiktegi ekonomikalyq integratsiia aiasynda da nyǵaia beretinine senim bildirdi.
Qasym-Jomart Toqaev Nikol Pashiniannyń dostas Armeniiany órkendetý jolyndaǵy asa jaýapty memlekettik qyzmetine mol tabys tiledi.
