قازاقستان پرەزيدەنتٸ قاسىم-جومارت توقاەۆ ارمەنييانىڭ پرەمەر-مينيسترٸ مٸندەتٸن اتقارۋشى نيكول پاشينيانعا قۇتتىقتاۋ جەدەلحاتىن جولدادى, دەپ حابارلايدى اقوردا.
مەملەكەت باسشىسى قازاقستان حالقىنىڭ جەنە جەكە ٶزٸنٸڭ اتىنان نيكول پاشينياندى ٶزٸ باسقاراتىن «گراجدانسكيي دوگوۆور» پارتيياسىنىڭ كەزەكتەن تىس ٶتكەن پارلامەنت سايلاۋىنداعى جەڭٸسٸمەن قۇتتىقتادى.
– داۋىس بەرۋ قورىتىندىسى مەملەكەتتٸلٸكتٸ, ۇلتتىق بٸرلٸكتٸ نىعايتۋعا جەنە ەلدەگٸ احۋالدى تۇراقتاندىرۋعا باعىتتالعان سٸزدٸڭ ساياسي ۇستانىمىڭىزدى حالىق قولدايتىنىن ايقىن كٶرسەتتٸ, – دەلٸنگەن جەدەلحاتتا.
پرەزيدەنت بٸرلەسكەن بەلسەندٸ كٷش-جٸگەردٸڭ ارقاسىندا قازاقستان مەن ارمەنييا اراسىنداعى قارىم-قاتىناستار ەكٸجاقتى فورماتتا دا, ەۋرازييالىق كەڭٸستٸكتەگٸ ەكونوميكالىق ينتەگراتسييا اياسىندا دا نىعايا بەرەتٸنٸنە سەنٸم بٸلدٸردٸ.
قاسىم-جومارت توقاەۆ نيكول پاشينياننىڭ دوستاس ارمەنييانى ٶركەندەتۋ جولىنداعى اسا جاۋاپتى مەملەكەتتٸك قىزمەتٸنە مول تابىس تٸلەدٸ.
