Qasym-Jomart Toqaevtyń jumys sapary Germaniianyń iri kompaniialary basshylarymen – «BayWa AG» kompaniiasynyń basqarma tóraǵasy Klaýs Lýttspen, «Rhenus SE&Co.KG» kompaniiasynyń basqarma múshesi Mihael Viferspen jáne «Reverse Logistics Systems GmbH» kompaniiasynyń basqarma tóraǵasy Patrik Videmannmen ekijaqty kezdesýler ótkizýden bastaldy, dep habarlaidy "Ult aqparat" Aqordaǵa silteme jasap.
Germaniianyń iri aýyl sharýashylyǵy kompaniiasynyń basshysy Klaýs Lýttspen bolǵan kezdesýde energiia kózderin qaita qalpyna keltirý jáne agroónerkásip keshenin tsifrlandyrý salalary boiynsha birlesken investitsiialyq jobalardy júzege asyrýdyń perspektivalary talqylandy.
Memleket basshysy Qazaqstannyń Germaniia biznesimen aradaǵy tyǵyz ári jemisti yntymaqtastyqty damytýǵa basa mán beretinin atap ótip, kásipkerdiń nazaryn elimizdegi energiia kózderin qaita qalpyna keltirý jáne tyńaitqyshtar óndirý baǵytynyń áleýetin arttyrýdyń mańyzdylyǵyna aýdardy.
– Biz Qazaqstanda jel jáne kún elektr stantsiialaryn kóbirek salýymyz kerek, biraq tiisti infraqurylym jetispeidi. Sondyqtan sizdiń kompaniiamen tyǵyz seriktestik ornatýǵa zor qyzyǵýshylyq tanytyp otyrmyz, – dedi Prezident.
Mihael Viferspen áńgimelesý kezinde kólik-logistika salasy boiynsha birlesken infraqurylymdyq jobalardy iske asyrý perspektivalary qarastyryldy.
Nemis biznesmeni Qasym-Jomart Toqaevqa Nur-Sultan men Almaty qalalarynda ókildikteri bar kompaniianyń Qazaqstandaǵy jumysy jáne Qaraǵandyda úshinshi ókildiktiń ashylýy týraly málimet berdi. Kompaniia elimizdiń aýmaǵynda jańa birlesken kólik-logistikalyq terminaldy alýǵa jáne iske qosýǵa múddeli ekenin bildirdi.
Memleket basshysynyń Patrik Videmannmen ótkizgen kezdesýinde Qazaqstanda bos ydystardy qaita ainalymǵa jiberýdiń kepildik-qaitarymdyq júiesi jónindegi jobanyń júzege asyrylý perspektivalary talqylandy.
«Reverse Logistics Systems GmbH» kompaniiasynyń basshysy materialdar men qaldyq zattardy qaita óńdeý salasynda tiisti ekojúie qurý úshin Qazaqstanmen yntymaqtastyq ornatýǵa daiyn ekenin aitty.
Prezident kompaniianyń jumysyn jáne biregei ázirlemelerin, onyń ishinde bos ydystardy qaita ainalymǵa jiberý úshin árbir býmaǵa identifikator engizý qyzmetin joǵary baǵalady.
Jalpy, kezdesýler aiasynda Qasym-Jomart Toqaev elimizdiń shetelden, sonyń ishinde Germaniiadan tartylǵan investitsiialardy ártaraptandyrýǵa múddeli ekenin rastady. Ol biznes ókilderine memleket tarapynan jan-jaqty qoldaý kórsetiletinin jáne birlesken jobalardy júzege asyrý úshin qajetti jaǵdai jasalatynyn aitty.
