Qazaqstan Prezidenti «Embimunaigaz» aktsionerlik qoǵamyna bardy, dep habarlaidy "Ult aqparat" Aqordaǵa silteme jasap.
Memleket basshysy Óndiristik úderisterdi qadaǵalaý ortalyǵynyń jumysymen tanysty. Onda Elbasyǵa tsifrlyq ziiatkerlik ken ornynyń júiesi kórsetildi. Bul naqty ýaqyt rejiminde ónerkásip nysandarynan túsetin aýqymdy málimetterdi óńdeýge, shuǵyl sheshim qabyldaý maqsatymen olarǵa ári qarai taldaý jasaýǵa, sondai-aq ken oryndaryndaǵy óndirý úderisin jaqsartýǵa múmkindik beredi.
Nursultan Nazarbaev ken oryndaryna tsifrlandyrý elementterin engizýdiń arqasynda eńbek ónimdiligi artyp, qurylǵylardy jóndeý merziminiń jáne birin-biri qaitalaityn qurylymdardyń qysqarǵanyn aityp, túpki nátijeniń paidasy bastapqy shyǵynnan eki ese jáne odan da kóbirek bolatynyn atap ótti.
– Munai óndirýdiń qazirgi ádisterimen ǵana shektelmei, zamanaýi tásilderdi de qoldaný qajet. Eń aldymen, qyzmetkerlerdi ozyq tehnologiialarmen jumys istei bilýge úiretý kerek, – dedi Qazaqstan Prezidenti.
«Samuryq-Qazyna» aktsionerlik qoǵamy basqarmasynyń tóraǵasy Ahmetjan Esimov Memleket basshysyna «Ulttyq indýstriialyq munai himiiasy tehnoparki» arnaiy ekonomikalyq aimaǵy qyzmetiniń negizgi nátijeleri týraly baiandady.
Sonymen qatar, Qazaqstan Prezidentine Atyraý qalasy injenerlik jelisiniń elektrondy syzbalaryna, aýyl sharýashylyǵyna arnalǵan jerlerge, keń taralǵan paidaly qazbalar oryndaryna jáne óńirdegi jerlerdi paidalaný sharttaryna, sondai-aq memlekettik qyzmetke elektrondy formatta tapsyrys berýge nemese memlekettik organǵa ótinish joldaýǵa onlain-monitoring jasaý úshin múmkindik týǵyzatyn Atyraý oblysynyń geoaqparattyq portalynyń jumysy tanystyryldy.
Atyraý oblysynyń ákimi atalǵan elektrondy resýrstyń engizilýi óńirdiń investitsiialyq tartymdylyǵyn arttyrýǵa, biznes-protsesti avtomattandyrýǵa, memlekettik qyzmet kórsetý sapasyn jaqsartýǵa, sondai-aq sybailas jemqorlyq qaterin jáne jerdi paidalaný sharttarynyń buzylýyn azaitýǵa múmkindik beretinin aitty.
.jpeg)