قازاقستان پرەزيدەنتٸ «ەمبٸمۇنايگاز» اكتسيونەرلٸك قوعامىنا باردى, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى ٶندٸرٸستٸك ٷدەرٸستەردٸ قاداعالاۋ ورتالىعىنىڭ جۇمىسىمەن تانىستى. وندا ەلباسىعا تسيفرلىق زيياتكەرلٸك كەن ورنىنىڭ جٷيەسٸ كٶرسەتٸلدٸ. بۇل ناقتى ۋاقىت رەجٸمٸندە ٶنەركەسٸپ نىساندارىنان تٷسەتٸن اۋقىمدى مەلٸمەتتەردٸ ٶڭدەۋگە, شۇعىل شەشٸم قابىلداۋ ماقساتىمەن ولارعا ەرٸ قاراي تالداۋ جاساۋعا, سونداي-اق كەن ورىندارىنداعى ٶندٸرۋ ٷدەرٸسٸن جاقسارتۋعا مٷمكٸندٸك بەرەدٸ.
نۇرسۇلتان نازارباەۆ كەن ورىندارىنا تسيفرلاندىرۋ ەلەمەنتتەرٸن ەنگٸزۋدٸڭ ارقاسىندا ەڭبەك ٶنٸمدٸلٸگٸ ارتىپ, قۇرىلعىلاردى جٶندەۋ مەرزٸمٸنٸڭ جەنە بٸرٸن-بٸرٸ قايتالايتىن قۇرىلىمداردىڭ قىسقارعانىن ايتىپ, تٷپكٸ نەتيجەنٸڭ پايداسى باستاپقى شىعىننان ەكٸ ەسە جەنە ودان دا كٶبٸرەك بولاتىنىن اتاپ ٶتتٸ.
– مۇناي ٶندٸرۋدٸڭ قازٸرگٸ ەدٸستەرٸمەن عانا شەكتەلمەي, زاماناۋي تەسٸلدەردٸ دە قولدانۋ قاجەت. ەڭ الدىمەن, قىزمەتكەرلەردٸ وزىق تەحنولوگييالارمەن جۇمىس ٸستەي بٸلۋگە ٷيرەتۋ كەرەك, – دەدٸ قازاقستان پرەزيدەنتٸ.
«سامۇرىق-قازىنا» اكتسيونەرلٸك قوعامى باسقارماسىنىڭ تٶراعاسى احمەتجان ەسٸموۆ مەملەكەت باسشىسىنا «ۇلتتىق يندۋسترييالىق مۇناي حيميياسى تەحنوپاركٸ» ارنايى ەكونوميكالىق ايماعى قىزمەتٸنٸڭ نەگٸزگٸ نەتيجەلەرٸ تۋرالى باياندادى.
سونىمەن قاتار, قازاقستان پرەزيدەنتٸنە اتىراۋ قالاسى ينجەنەرلٸك جەلٸسٸنٸڭ ەلەكتروندى سىزبالارىنا, اۋىل شارۋاشىلىعىنا ارنالعان جەرلەرگە, كەڭ تارالعان پايدالى قازبالار ورىندارىنا جەنە ٶڭٸردەگٸ جەرلەردٸ پايدالانۋ شارتتارىنا, سونداي-اق مەملەكەتتٸك قىزمەتكە ەلەكتروندى فورماتتا تاپسىرىس بەرۋگە نەمەسە مەملەكەتتٸك ورگانعا ٶتٸنٸش جولداۋعا ونلاين-مونيتورينگ جاساۋ ٷشٸن مٷمكٸندٸك تۋعىزاتىن اتىراۋ وبلىسىنىڭ گەواقپاراتتىق پورتالىنىڭ جۇمىسى تانىستىرىلدى.
اتىراۋ وبلىسىنىڭ ەكٸمٸ اتالعان ەلەكتروندى رەسۋرستىڭ ەنگٸزٸلۋٸ ٶڭٸردٸڭ ينۆەستيتسييالىق تارتىمدىلىعىن ارتتىرۋعا, بيزنەس-پروتسەستٸ اۆتوماتتاندىرۋعا, مەملەكەتتٸك قىزمەت كٶرسەتۋ ساپاسىن جاقسارتۋعا, سونداي-اق سىبايلاس جەمقورلىق قاتەرٸن جەنە جەردٸ پايدالانۋ شارتتارىنىڭ بۇزىلۋىن ازايتۋعا مٷمكٸندٸك بەرەتٸنٸن ايتتى.
.jpeg)