Qazaqstan Prezidenti Qasym-Jomart Toqaev «Aýyl» partiiasynyń tóraǵasy Áli Bektaevty qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda Áli Bektaev Qasym-Jomart Toqaevqa partiia músheleriniń Ulttyq qoǵamdyq senim keńesi men Prezidenttik kadr rezervin qurý, aýyl sharýashylyǵyn damytý máseleleri jónindegi bastamalardy tolyq qoldaityny aitty.
Sondai-aq, elimizdiń aýyl sharýashylyǵy salasyna qarjylyq qoldaý kórsetý máselesi kóterildi. Atap aitqanda, Áli Bektaev bul saladaǵy júieli qarjylandyrý úderisin reformalaýǵa qatysty usynystaryn ortaǵa saldy.
Partiia basshysy Prezidenttiń aýyl sharýashylyǵy jerlerin tiimdi paidalaný, egistik alqaptaryn naqty ispen ainalysatyn sharýalarǵa berý týraly tapsyrmalarynyń óte ózekti ekenine toqtaldy.
Memleket basshysyna «Aýyl» partiiasynyń aýyl sharýashylyǵy salasyn odan ári damytý, shalǵai eldi mekenderdi órkendetý máselelerine qatysty birqatar usynystar aityldy.
