قازاقستان پرەزيدەنتٸ قاسىم-جومارت توقاەۆ «اۋىل» پارتيياسىنىڭ تٶراعاسى ەلي بەكتاەۆتى قابىلدادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
كەزدەسۋ بارىسىندا ەلي بەكتاەۆ قاسىم-جومارت توقاەۆقا پارتييا مٷشەلەرٸنٸڭ ۇلتتىق قوعامدىق سەنٸم كەڭەسٸ مەن پرەزيدەنتتٸك كادر رەزەرۆٸن قۇرۋ, اۋىل شارۋاشىلىعىن دامىتۋ مەسەلەلەرٸ جٶنٸندەگٸ باستامالاردى تولىق قولدايتىنى ايتتى.
سونداي-اق, ەلٸمٸزدٸڭ اۋىل شارۋاشىلىعى سالاسىنا قارجىلىق قولداۋ كٶرسەتۋ مەسەلەسٸ كٶتەرٸلدٸ. اتاپ ايتقاندا, ەلي بەكتاەۆ بۇل سالاداعى جٷيەلٸ قارجىلاندىرۋ ٷدەرٸسٸن رەفورمالاۋعا قاتىستى ۇسىنىستارىن ورتاعا سالدى.
پارتييا باسشىسى پرەزيدەنتتٸڭ اۋىل شارۋاشىلىعى جەرلەرٸن تيٸمدٸ پايدالانۋ, ەگٸستٸك القاپتارىن ناقتى ٸسپەن اينالىساتىن شارۋالارعا بەرۋ تۋرالى تاپسىرمالارىنىڭ ٶتە ٶزەكتٸ ەكەنٸنە توقتالدى.
مەملەكەت باسشىسىنا «اۋىل» پارتيياسىنىڭ اۋىل شارۋاشىلىعى سالاسىن ودان ەرٸ دامىتۋ, شالعاي ەلدٸ مەكەندەردٸ ٶركەندەتۋ مەسەلەلەرٸنە قاتىستى بٸرقاتار ۇسىنىستار ايتىلدى.
