Qazaqstannyń ishki ister ministrligi politseiler úshin ázirlengen jańa úlgidegi formany kórsetti, dep habarlaidy "Ult aqparat" Polisia.kz silteme jasap.
Formany ázirleý kezinde politsiia qyzmetkerleri úshin barynsha yńǵaily kiim jasaýǵa basa nazar aýdaryldy, ər túrli klimattyq jaǵdaida qyzmet atqaratyn qyzmetkerlerdiń tilekteri eskerildi, sondai-aq, álemdik tájiribe zertteldi.
Qyzmet atqarýdyń ereksheligi men jaǵdailaryn eskere otyryp, jańa úlgidegi forma dizainy men qurylymyna qarai patrýldik politsiia qyzmetkerlerine, syrtqy qyzmet qyzmetkerlerine jáne ishki ister organdarynyń basqarý apparattaryna arnalǵan kiim bolyp toptastyrylǵan. Memleket basshysynyń ýchaskelik politsiia inspektorlarynyń mártebesi men tanymaldyǵyn arttyrý jónindegi tapsyrmasyn oryndaý sheńberinde olar úshin jańa kiimniń jeke jelisi ázirlendi.
Politsiia basqarmalary apparattarynyń áiel – qyzmetkerlerine arnalǵan kiim jazǵy kezeńde kiiýge arnalǵan kóilekpen tolyqtyrylǵan. Qyzmetterdiń barlyq sanattary úshin «POLISIA» jaryq shaǵylystyrǵysh jazýy bar jazǵy, maýsymdyq jáne qysqy kiim úlgileri jasaldy. Qyzmetkerlerdiń aiaq kiimi alǵash ret ózgertildi.
Krossovkalar túrinde usynylǵan taktikalyq aiaq kiim aiaqqa yńǵaily, aiaqty jaraqattanýdan, syrǵanaýdan qorǵaidy. Qalalar men oblystardyń emblemalarynyń negizinde kiimniń oń jeńine óńirlik japsyrmalar ázirlendi.
Buiymdardaǵy jiektiń túsi qyzyldan kókshil túske aýystyryldy. Metall buiymdar – jetondar, emblemalar, juldyzdar toqyma buiymdaryna aýystyryldy. Jaryq shaǵylystyrǵysh elementterge erekshe nazar aýdaryldy.
Jańa formany engizý qosymsha qarjylandyrýdy qajet etpeidi. Oǵan aýysý aǵymdaǵy biýdjettik baǵdarlamalar sheńberinde jáne eski formanyń tozýyna qarai kezeń-kezeńimen júzege asyrylatyn bolady.
