Ishki ister ministrliginiń bastamasymen «Turmystyq zorlyq-zombylyqtyń aldyn alý týraly» zańnyń birqatar normalary jańartyldy. Bul týraly QR Ishki ister ministrliginiń Facebook paraqshasynda ótken onlain brifingte Ákimshilik politsiia komitetiniń tóraǵasy Murat Baimuqashev aitty, dep habarlaidy QazAqparat.
«Ishki ister ministrliginiń bastamasymen «Turmystyq zorlyq-zombylyqtyń aldyn alý týraly» zańnyń birqatar normalary jańardy. Atap aitqanda, qorǵanys nusqamasynyń qoldanylý merzimi 10 kúnnen 30 kúnge deiin uzartyldy. Ishki ister organdary jábirlenýshiniń qaýipsizdigin qamtamasyz etý maqsatynda otbasylyq zorlyq-zombylyq jasaǵan nemese ony jasaý qaýpi bar adamǵa jazbasha túrde qorǵanys nusqamasy beriledi. Quqyq buzýshyǵa jábirlenýshiniń erkine qarsy turmystyq zorlyq-zombylyq jasaýǵa, ony izdeýge, qýdalaýǵa, qonaqqa barýǵa, aýyzsha, telefon arqyly sóilesýge jáne onymen basqa joldarmen, onyń ishinde kámeletke tolmaǵandar men onyń otbasynyń eńbekke jaramsyz múshelerimen bailanys jasaýǵa tyiym salynady», - deidi ákimshilik politsiia komitetiniń tóraǵasy Murat Baimuqashev.
Onyń aitýynsha, qorǵanys nusqamasynyń jaramdylyq merzimi quqyq buzýshyǵa jetkizilgen sátten bastap politsiianyń profilaktikalyq esebine qoiylǵan otyz kúndi quraidy. Profilaktikalyq baqylaý júrgizilip, jeti kúnde keminde bir ret tekserip otyrady.
Sondai-aq, qorǵanys nusqamasyn buzǵan jaǵdaida eskertý jasalady nemese bes táýlikke deiin ákimshilik qamaýǵa alynady.
Politsiia organdarynyń basshylarymen birge kámeletke tolmaǵandar isteri jáne áielderdi zorlyq-zombylyqtan qorǵaý jónindegi politsiianyń ýchaskelik inspektorlary qorǵanys buiryqtaryn shyǵarýǵa quqyly
Sottyń ruqsatymen 30 kúnge deiin úiden ýaqytsha shyǵara turý múmkindigi engizildi
Sot sheshimimen turmystyq zorlyq-zombylyq kórsetetinderge alkogol ishimdik pen esirtki buiymdaryn qoldanýǵa tyiym salynady.
