ٸشكٸ ٸستەر مينيسترلٸگٸنٸڭ باستاماسىمەن «تۇرمىستىق زورلىق-زومبىلىقتىڭ الدىن الۋ تۋرالى» زاڭنىڭ بٸرقاتار نورمالارى جاڭارتىلدى. بۇل تۋرالى قر ٸشكٸ ٸستەر مينيسترلٸگٸنٸڭ Facebook پاراقشاسىندا ٶتكەن ونلاين بريفينگتە ەكٸمشٸلٸك پوليتسييا كوميتەتٸنٸڭ تٶراعاسى مۇرات بايمۇقاشەۆ ايتتى, دەپ حابارلايدى قازاقپارات.
«ٸشكٸ ٸستەر مينيسترلٸگٸنٸڭ باستاماسىمەن «تۇرمىستىق زورلىق-زومبىلىقتىڭ الدىن الۋ تۋرالى» زاڭنىڭ بٸرقاتار نورمالارى جاڭاردى. اتاپ ايتقاندا, قورعانىس نۇسقاماسىنىڭ قولدانىلۋ مەرزٸمٸ 10 كٷننەن 30 كٷنگە دەيٸن ۇزارتىلدى. ٸشكٸ ٸستەر ورگاندارى جەبٸرلەنۋشٸنٸڭ قاۋٸپسٸزدٸگٸن قامتاماسىز ەتۋ ماقساتىندا وتباسىلىق زورلىق-زومبىلىق جاساعان نەمەسە ونى جاساۋ قاۋپٸ بار ادامعا جازباشا تٷردە قورعانىس نۇسقاماسى بەرٸلەدٸ. قۇقىق بۇزۋشىعا جەبٸرلەنۋشٸنٸڭ ەركٸنە قارسى تۇرمىستىق زورلىق-زومبىلىق جاساۋعا, ونى ٸزدەۋگە, قۋدالاۋعا, قوناققا بارۋعا, اۋىزشا, تەلەفون ارقىلى سٶيلەسۋگە جەنە ونىمەن باسقا جولدارمەن, ونىڭ ٸشٸندە كەمەلەتكە تولماعاندار مەن ونىڭ وتباسىنىڭ ەڭبەككە جارامسىز مٷشەلەرٸمەن بايلانىس جاساۋعا تىيىم سالىنادى», - دەيدٸ ەكٸمشٸلٸك پوليتسييا كوميتەتٸنٸڭ تٶراعاسى مۇرات بايمۇقاشەۆ.
ونىڭ ايتۋىنشا, قورعانىس نۇسقاماسىنىڭ جارامدىلىق مەرزٸمٸ قۇقىق بۇزۋشىعا جەتكٸزٸلگەن سەتتەن باستاپ پوليتسييانىڭ پروفيلاكتيكالىق ەسەبٸنە قويىلعان وتىز كٷندٸ قۇرايدى. پروفيلاكتيكالىق باقىلاۋ جٷرگٸزٸلٸپ, جەتٸ كٷندە كەمٸندە بٸر رەت تەكسەرٸپ وتىرادى.
سونداي-اق, قورعانىس نۇسقاماسىن بۇزعان جاعدايدا ەسكەرتۋ جاسالادى نەمەسە بەس تەۋلٸككە دەيٸن ەكٸمشٸلٸك قاماۋعا الىنادى.
پوليتسييا ورگاندارىنىڭ باسشىلارىمەن بٸرگە كەمەلەتكە تولماعاندار ٸستەرٸ جەنە ەيەلدەردٸ زورلىق-زومبىلىقتان قورعاۋ جٶنٸندەگٸ پوليتسييانىڭ ۋچاسكەلٸك ينسپەكتورلارى قورعانىس بۇيرىقتارىن شىعارۋعا قۇقىلى
سوتتىڭ رۇقساتىمەن 30 كٷنگە دەيٸن ٷيدەن ۋاقىتشا شىعارا تۇرۋ مٷمكٸندٸگٸ ەنگٸزٸلدٸ
سوت شەشٸمٸمەن تۇرمىستىق زورلىق-زومبىلىق كٶرسەتەتٸندەرگە الكوگول ٸشٸمدٸك پەن ەسٸرتكٸ بۇيىمدارىن قولدانۋعا تىيىم سالىنادى.
