Osy aidyń sońyna deiin Spýtnik Lait vaktsinasynyń 150 myń dozasy jetkiziledi. Bul týraly búgin Úkimet otyrysynda QR Densaýlyq saqtaý ministri Ajar Ǵiniiat aitty, dep habarlaidy QazAqparat.
«Halyqtyń barlyq toptary vaktsinatsiianyń bastapqy kýrsy aiaqtalǵannan keiin 6 ai ótken soń revaktsinatsiiaǵa jatatynyn taǵy da eske salǵym keledi. Birinshi jartyjyldyqta 8 mln-ǵa jýyq adam qaita vaktsinatsiialaýǵa jatady», - dedi Ajar Ǵiniiat.
Onyń atap ótýinshe, qazirgi ýaqytta halyqtyń barlyq toptaryn revaktsinatsiialaý vaktsinanyń Sinofarm jáne Kazvak degen eki túrimen júrgizilýde. 60 jastan asqan adamdar, júkti áielder men meditsina qyzmetkerleri úshin Pfizer Komirnati vaktsinasy qoldanylady.
«Ministrlik revaktsinatsiialaý úshin Kazvak, Sinofarm jáne (Pfizer) Komirnati vaktsinalaryn qosymsha satyp alýdy josparlap otyr. Sondai-aq qańtar aiynyń sońyna deiin «Spýtnik Lait» vaktsinasynyń 150 myń dozasy jetkiziletin bolady», - dedi ministr.
