وسى ايدىڭ سوڭىنا دەيٸن سپۋتنيك لايت ۆاكتسيناسىنىڭ 150 مىڭ دوزاسى جەتكٸزٸلەدٸ. بۇل تۋرالى بٷگٸن ٷكٸمەت وتىرىسىندا قر دەنساۋلىق ساقتاۋ مينيسترٸ اجار عينييات ايتتى, دەپ حابارلايدى قازاقپارات.
«حالىقتىڭ بارلىق توپتارى ۆاكتسيناتسييانىڭ باستاپقى كۋرسى اياقتالعاننان كەيٸن 6 اي ٶتكەن سوڭ رەۆاكتسيناتسيياعا جاتاتىنىن تاعى دا ەسكە سالعىم كەلەدٸ. بٸرٸنشٸ جارتىجىلدىقتا 8 ملن-عا جۋىق ادام قايتا ۆاكتسيناتسييالاۋعا جاتادى», - دەدٸ اجار عينييات.
ونىڭ اتاپ ٶتۋٸنشە, قازٸرگٸ ۋاقىتتا حالىقتىڭ بارلىق توپتارىن رەۆاكتسيناتسييالاۋ ۆاكتسينانىڭ سينوفارم جەنە كازۆاك دەگەن ەكٸ تٷرٸمەن جٷرگٸزٸلۋدە. 60 جاستان اسقان ادامدار, جٷكتٸ ەيەلدەر مەن مەديتسينا قىزمەتكەرلەرٸ ٷشٸن Pfizer كوميرناتي ۆاكتسيناسى قولدانىلادى.
«مينيسترلٸك رەۆاكتسيناتسييالاۋ ٷشٸن كازۆاك, سينوفارم جەنە (Pfizer) كوميرناتي ۆاكتسينالارىن قوسىمشا ساتىپ الۋدى جوسپارلاپ وتىر. سونداي-اق قاڭتار ايىنىڭ سوڭىنا دەيٸن «سپۋتنيك لايت» ۆاكتسيناسىنىڭ 150 مىڭ دوزاسى جەتكٸزٸلەتٸن بولادى», - دەدٸ مينيستر.
