Qazaqstan pasporty – ádildiktiń jáne ulttyń bolashaqqa umtylysynyń simvoly. Bul týraly Prezident Qasym-Jomart Toqaev Qaraǵandy oblysy jurtshylyǵymen kezdesýinde málim etti, - dep habarlaidy "Ult aqparat".
"Birlik, yntymaq, toleranttylyq, ózara qurmet, janashyrlyq jáne árqashan bir-birimizge qol ushyn berýge daiyn bolý bizdiń dástúrimiz ben mádenietimizdiń negizinde jatyr. Bizdiń ulttyq bolmysymyzdy qalyptastyratyn bul biregei qundylyqtardy jasandy ideologiialyq qurylymdarǵa telý ońai emes. Biraq, meniń oiymsha, buǵan qajettilik joq.
Qazaqstan Respýblikasynyń kók pasporty bizdiń ulttyq biregeiligimizdiń qarapaiym, biraq basty kórsetkishi bolýy kerek ekenine senimdimin. Bul qujat – bizdiń memlekettiligimizdiń tiregine ainalǵan ozyq qaǵidattardyń nyshany. Qazaqstan Respýblikasy azamatynyń pasporty irgeli qundylyqtardy bildiredi. Sonyń arqasynda bizdiń elimiz búkil álemge etnosaralyq jáne dinaralyq toleranttylyqtyń jarqyn úlgisi retinde tanymal boldy. Qazaqstan pasporty – ádildiktiń jáne ulttyń bolashaqqa umtylysynyń simvoly", - dedi Memleket basshysy.
Onyń aitýynsha, kók pasportty búkil álem tanidy jáne qurmetteidi.
"Shet memleketterdiń vizalaryn berýdi qosa alǵanda shetelde qazaqstandyq pasportqa qatysty qandai da bir shekteýler joq. Bul – Ádiletti Qazaqstandy qurýǵa baǵyttalǵan elimizdiń teńgerimdi ári jaýapty syrtqy saiasi baǵdary men ishki saiasatynyń tikelei nátijesi", - dedi Prezident.
