Búgin Parlament Májilisiniń jalpy otyrysynda Nurlan Nyǵmatýlin Májilis Tóraǵasy laýazymyna sailandy, dep habarlaidy "Ult aqparat".
Budan buryn habarlanǵandai, Parlament Májilisiniń jalpy otyrysynda depýtattar jańa tóraǵany jasyryn daýys arqyly sailady. Daýys berý barysynda depýtattar atalǵan kandidatýraǵa qoldaý bildirdi.
«Nurlan Nyǵmatýlin qalada da, ministrlikte de, oblysta da, partiiada da, ákimshilikte de basshy qyzmetterde bolyp, ómirdiń úlken synaǵynan ótti. Elbasynyń synyna shydas bergen, qazaqsha aitqanda, ot pen sýdan ótken tulǵa. Nurlan Nyǵmatýlinniń Májilis tóraǵasy retindegi qyzmetti tanytqan talapshyldyǵyn, iskerligin, jaýaptylyǵyn biz altynshy shaqarylym kezinde óz kózimizben kórip, kún saiyn kýá bolyp júrdik», - dedi depýtat Saýytbek Abdrahmanov.
Osy oraida ol N. Zairollauly kez kelgen taqyrypty jan-jaqty zertteitinin atap ótti.
«Májilis tóraǵasy qyzmetine Nurlan Zairollauly Nyǵmatýlin kandidatýrasy usynylýy ádil ári oryndy. Men Parlamentke sailanǵan barlyq áriptesterimdi, saiasi partiia fraktsiialar múshelerin, Qazaqstan halqy Assambleiasynan sailanǵan depýtattardy osy kandidatýrany qoldaýǵa shaqyramyn», - dedi S. Abdrahmanov.
Sonymen qatar jalpy otyrys barysyn «Aq jol» partiiasynyń tóraǵasy Azat Perýashev, Qazaqstan Halyq partiiasynyń tóraǵasy Aiqyn Qońyrov Májilis tóraǵasy laýazymyna usynylǵan kandidatýrany qoldady.
Eske sala keteiik, 14 qańtarda Nursultan Nazarbaev «Nur Otan» partiiasy fraktsiiasynyń otyrysynda Parlament Májilisindegi partiia fraktsiiasynyń jetekshisi qyzmetine Nurlan Nyǵmatýlinniń kandidatýrasyn usyndy. Fraktsiia depýtattary Elbasynyń usynysyn biraýyzdan qoldady. Sondai-aq, Májilis spikeri laýazymyna Nurlan Nyǵmatýlinnyń kandidatýrasyn usyný máselesi de qaraldy.
Nurlan Zairollauly Nyǵmatýlin 1962 jyly Qaraǵandyda týǵan. Qaraǵandy politehnikalyq institýtyn bitirgen. Saiasi ǵylymdarynyń doktory. Institýtty bitirgennen keiin «Qaraǵandyoblgaz» óndiristik birlestigi avtokolonnasynyń injeneri, bastyǵy bolyp jumys istegen.
1985-1990 jyldary – Qazaqstan LKJO Lenin aýdandyq komitetiniń birinshi hatshysy, Qazaqstan LKJO OK komsomol uiymdary bólimi meńgerýshisiniń orynbasary, Qazaqstan LKJO Qaraǵandy oblystyq komitetiniń hatshysy, birinshi hatshysy. 1990-1993 jyldary – Qazaqstan jastar uiymdary komitetiniń tóraǵasy. 1993-1995 jyldary – «Tengri» qazaq-amerikan birlesken kásiporynnyń prezidenti.
1995-1999 jyldar aralyǵynda – Qazaqstan Respýblikasy Prezidenti Ákimshiliginiń Uiymdastyrý-baqylaý bóliminiń memlekettik inspektory, bólim meńgerýshisiniń orynbasary. 1999-2002 jyldary – Astana qalasy ákiminiń orynbasary.
2002-2004 jyldar aralyǵynda – Qazaqstan Respýblikasy kólik jáne kommýnikatsiia vitse-ministri. 2004-2006 jyldary – Qazaqstan Respýblikasy Prezidenti Ákimshiligi Basshysynyń orynbasary. 2006-2009 jyldar aralyǵynda – Qaraǵandy oblysynyń ákimi.
2009-2012 jyldar aralyǵynda – «Nur Otan» Halyqtyq Demokratiialyq partiiasy Tóraǵasynyń Birinshi orynbasary.
2012 jylǵy 20 qańtar – 2014 jylǵy 3 sáýir aralyǵynda besinshi sailanǵan Qazaqstan Respýblikasy Parlamenti Májilisiniń Tóraǵasy, «Nur Otan» Halyqtyq Demokratiialyq partiiasynyń Qazaqstan Respýblikasy Parlamenti Májilisindegi fraktsiiasynyń jetekshisi. 2014 jylǵy 3 sáýir – 2016 jylǵy 21 maýsym aralyǵynda Qazaqstan Respýblikasy Prezidenti Ákimshiliginiń Basshysy qyzmetin atqardy.
2016 jylǵy 22 maýsymnan bastap altynshy sailanǵan Qazaqstan Respýblikasy Parlamenti Májilisiniń Tóraǵasy bolyp biraýyzdan sailandy, «Nur Otan» partiiasynyń múshesi, partiialyq tizim boiynsha sailanǵan.
Aita keteiik, 2019 jylǵy 22 tamyznan - «NurOtan» Partiiasynyń Májilistegi Fraktsiiasynyń jetekshisi. «Qazaqstan Respýblikasynyń Tuńǵysh Prezidenti - Elbasy Nursultan Nazarbaev», «Qurmet», II dárejeli «Barys» ordenderimen marapattalǵan.
Úilengen. Úsh balasy, tórt nemeresi bar.
