Senatta Qazaqstan men Halyqaralyq Qaita qurý jáne damý banki arasyndaǵy Qaryz týraly kelisimdi ratifikatsiialaý týraly zań jobasy qaraldy, - dep habarlaidy "Ult aqparat" Tengrinews.kz agenttigine silteme jasap.
2022 jyldyń 24 tamyzynda Astanada Qazaqstan men Halyqaralyq qaita qurý jáne damý banki (HQDB) arasynda 345,7 million eýro kóleminde nesie berý týraly kelisimge qol qoiyldy.
Qaryz tolyǵymen biýdjet tapshylyǵyn qarjylandyrýǵa baǵyttalmaq. Qarajat respýblikalyq biýdjette kózdelgen áleýmettik jáne basqa da maqsattarǵa arnalǵan biýdjet shyǵystaryn jabýǵa múmkindik beredi.
"Dúniejúzilik banktiń qaryzy Qazaqstan Respýblikasyna 11,5 jylǵa beriledi. Onyń ishinde 2,5 jylǵa jeńildik kózdelgen.
Syiaqy stavkasy Eýribor jáne ózgermeli spredten turady. Birjolǵy komissiia da igerilmegen qaryz qaldyǵyna eseptelgen rezervtik komissiia 0,25 paiyz quraidy. Qaryzǵa qyzmet kórsetý jáne ony óteý kelisimde belgilengen qarjylyq sharttarǵa sáikes júzege asyrylady", - dedi Erulan Jamaýbav.
