QR Úkimetiniń 2017 jylǵa arnalǵan zań jobalary jumystarynyń jospary qalyptastyryldy, kelesi jyly Parlament 33 zań jobasyn qaraidy. Bul jóninde QR ádilet ministri Marat Beketaev QR premer-ministri Baqytjan Saǵyntaevtyń tóraǵalyǵymen ótken Úkimet otyrysynda málimdedi, - dep habarlaidy strategy2050.kz.
"Ádilet ministrligi "Normativtik aktiler týraly" Zańnyń jáne Úkimet Reglamentiniń talaptaryna sáikes, Úkimettiń 2017 jylǵa arnalǵan zań jobalary jumystarynyń josparyn qurdy. Jospar jobasynda 33 zań jobasyn ázirleý jáne Parlamentke engizý kózdeledi", - dep málimdedi ministr.
Birinshi toqsanda - 10, ekinshi toqsanda - 9, úshinshi toqsanda - 10 jáne tórtinshi toqsanda 4 zań jobasyn Úkimetke engizý kózdelgen.
"Zań jobalaryn Parlamentke ekinshi toqsannan bastap engizý josparlanyp otyr. 2017 jyldyń birinshi jartysynda Májiliske 15 zań jobasy engiziledi, qalǵan 18 zań jobasy sáikesinshe úshinshi jáne tórtinshi toqsandarda engizilmek. Jospar jobasyn daiyndaý kezinde Memleket basshysynyń tapsyrmalary, Úkimettiń nusqaýlyqtary jáne Zań shyǵarmashylyǵy jumysynyń 2016-2021 jyldarǵa arnalǵan tujyrymdamalyq josparynyń erejeleri eskerilgen. Memleket basshysynyń tapsyrmalaryn iske asyrý úshin 12 zań jobasyn ázirleý kózdelgen, al Úkimet basshylyǵynyń tapsyrmalary negizinde 4 zań jobasy ázirlenedi», - dep túsindirdi ministr.
Sonymen qatar, qoldanystaǵy zańnamalyq aktilerge de ózgerister engizý boljanýda. Bul agroónerkásip kesheni, aqparat jáne kommýnikatsiialar, ákimshilik quqyq buzýshylyqtar jáne basqa salalar.
Jalpy, aldaǵy jylda memlekettik organdar 23 saladaǵy zańnamany jetildirýdi josparlaýda.
.jpeg)