Qazaqstan - Paradelfii oiyndaryn ótkizetin alǵashqy memleket

Qazaqstan Respýblikasy Táýelsizdiginiń 25 jyldyǵyna orai, qarasha aiynyń 1-5 aralyǵynda Stepnogorsk qalasynda HII ulttyq delfi oiyndary ótpek.

Qazaqstan TMD elderiniń ishinde Paradelfii oiyndaryn ótkizetin  bolady. Bul oiynda erekshe qajettiligi bar jandar  «Ym-isharat tilinde án aitý» jáne «horeografiia» nominatsiialary boiynsha baqtaryn synaityn bolady.    

Delfi oiyndary – talai jas talanttardy bir arnaǵa toǵystyryp, úzdiktiń úzdigin anyqtaityn ulttyq baiqaý.

Atalmysh jarys jeńimpazdaryn kelesi atalymdar boiynsha anyqtaidy: Fortepiano, Skripka, Baian/ Akkordeon, Ulttyq aspaptar (Dombyra, Prima-qobyz, qyl-qobyz), akademiialyq án aitý, dástúrli án aitý, halyq bii, zamanaýi bi, fotosýret, telejýrnalistika, qysqametrajdy kino-beinerolikter, ónertapqysh, kiim dizainy, sándik-qoldanbaly óner, ymmen án oryndaý sheberligi, di-djei.

Delfi oiyndary - klassikadan bastap qazirgi zamanǵa deiingi ónerdiń barlyq túrin qamtityn jarys.

Ár jyly ótken baiqaý mádeni baǵytqa jańa serpilis alyp kelýde. Máselen osy jyly «Paradelfii» oiyndary ótetin bolady. 

«Ulttyq Delfii oiyndary komitetiniń bastaýymen múmkindigi shekteýli jandar úshin, mádeni baǵytta túrli is-sharalar uiymdastyrylatyn. Biraq, búginde ondai sharany halyqaralyq arenaǵa shyǵarý ideiasy týyndap otyr. Erekshe qajettiligi bar jandarǵa arnalǵan baiqaýlar joq emes. Degenmen, olardyń barlyǵy tek arnaiy mamandandyrylǵan ortada ǵana uiymdastyrylatyny da shyndyq. Al, Delfii oiynynda ondai jandar qatarlarynan qalys qalmai, barlyǵymen teń dárejede saiysqa túse alady. Aita ketetini, TMD elderiniń ishinde Qazaqstan «Pradelfiilik» ideiasyn usynǵan alǵashqy memleket bolyp otyr»,-deidi Qazaqstandaǵy Ulttyq Delfii komitetiniń  direktory Quralai Túspekova.

Rasymen, qajettiligi joǵary jandardyń úlken sahnada óner kórsetýi Mundai igilikti is odan ary ońtaily sheshimin taýyp, damýy úshin atqarylar jumys áli alda. Degenmen, álemniń kez-kelgen azamaty esh kemshiligine qaramai ózgelermen  teń dárejede ónerin shyńdaýǵa ábden laiyq. Dariiasy ómirdiń shaiqalmaidy, dármensiz bir pende jylaǵanda. Sol sebepten, bákidei búktelgen kelte ǵumyrda «sheksiz múmkindik ielerin» muqatpai, barlyǵymen teń kórip syilastyqta ómir súrgenimiz abzal.