2019 jyldyń qańtar-jeltoqsanynda Qazaqstan men Ózbekstan arasyndaǵy taýar ainalymy 2,8 mlrd dollardy qurady, dep habarlaidy "Ult aqparat".
QR UEM Statistika komiteti men QM Memlekettik kirister komitetiniń resmi derekterine sáikes, taýar ainalymyndaǵy eksport úlesi 2 mlrd, import 771,2 mln dollardy boldy. Bul rette eki eldiń arasyndaǵy taýar ainalymy 2018 jylmen salystyrǵanda 1,5 paiyzǵa nemese 42,2 mln dollarǵa tómendep otyr. 1 jyl ishinde eksport kólemi 20,9 paiyzǵa nemese 341,9 mln dollarǵa, al import 33,2 paiyzǵa nemese 384,1 mln dollarǵa quldyraǵan. Degemen saýda saldosy oń ári 1,2 mlrd dollardy quraidy. Ótken jyly Ózbekstan Qazaqstannyń saýda seriktesteri arasynda 9-orynǵa turaqtady.
2019 jyldyń 12 aiynda Qazaqstannyń Ózbekstanǵa eksporty 20,9 paiyzǵa artyp, 2 mlrd dollar boldy. Onyń ishinde shikizattyq emes taýarlar eksporty 82,6 paiyzdy quraidy. Atalǵan kezeńde Ózbekstan qazaqstandyq taýarlardy tutynýshylardyń arasynda 10-orynda tur. Ózbek eline Qazaqstannan negizinen astyq, ken men mys kontsentraty, óńdelmegen aliýminii, qospasyz bolat jartylai daiyn ónimderi, un eksporttalady.
Al Ózbekstannan Qazaqstanǵa ótken jylydyń 12 aiynda import kólemi 33,2 paiyzǵa tómendep, 771,2 mln dollar boldy. Qazaqstanǵa taýarlar jetkizýshilerdiń arasynda Ózbekstan 8-orynda tur. Bul elden Qazaqstanǵa tabiǵi gaz, shabdaly, shie, etilen polimerleri, órik, qara órik, júzim syndy ónimder jetkiziledi.
