2019 جىلدىڭ قاڭتار-جەلتوقسانىندا قازاقستان مەن ٶزبەكستان اراسىنداعى تاۋار اينالىمى 2,8 ملرد دوللاردى قۇرادى, دەپ حابارلايدى "ۇلت اقپارات".
قر ۇەم ستاتيستيكا كوميتەتٸ مەن قم مەملەكەتتٸك كٸرٸستەر كوميتەتٸنٸڭ رەسمي دەرەكتەرٸنە سەيكەس, تاۋار اينالىمىنداعى ەكسپورت ٷلەسٸ 2 ملرد, يمپورت 771,2 ملن دوللاردى بولدى. بۇل رەتتە ەكٸ ەلدٸڭ اراسىنداعى تاۋار اينالىمى 2018 جىلمەن سالىستىرعاندا 1,5 پايىزعا نەمەسە 42,2 ملن دوللارعا تٶمەندەپ وتىر. 1 جىل ٸشٸندە ەكسپورت كٶلەمٸ 20,9 پايىزعا نەمەسە 341,9 ملن دوللارعا, ال يمپورت 33,2 پايىزعا نەمەسە 384,1 ملن دوللارعا قۇلدىراعان. دەگەمەن ساۋدا سالدوسى وڭ ەرٸ 1,2 ملرد دوللاردى قۇرايدى. ٶتكەن جىلى ٶزبەكستان قازاقستاننىڭ ساۋدا سەرٸكتەستەرٸ اراسىندا 9-ورىنعا تۇراقتادى.
2019 جىلدىڭ 12 ايىندا قازاقستاننىڭ ٶزبەكستانعا ەكسپورتى 20,9 پايىزعا ارتىپ, 2 ملرد دوللار بولدى. ونىڭ ٸشٸندە شيكٸزاتتىق ەمەس تاۋارلار ەكسپورتى 82,6 پايىزدى قۇرايدى. اتالعان كەزەڭدە ٶزبەكستان قازاقستاندىق تاۋارلاردى تۇتىنۋشىلاردىڭ اراسىندا 10-ورىندا تۇر. ٶزبەك ەلٸنە قازاقستاننان نەگٸزٸنەن استىق, كەن مەن مىس كونتسەنتراتى, ٶڭدەلمەگەن اليۋمينيي, قوسپاسىز بولات جارتىلاي دايىن ٶنٸمدەرٸ, ۇن ەكسپورتتالادى.
ال ٶزبەكستاننان قازاقستانعا ٶتكەن جىلىدىڭ 12 ايىندا يمپورت كٶلەمٸ 33,2 پايىزعا تٶمەندەپ, 771,2 ملن دوللار بولدى. قازاقستانعا تاۋارلار جەتكٸزۋشٸلەردٸڭ اراسىندا ٶزبەكستان 8-ورىندا تۇر. بۇل ەلدەن قازاقستانعا تابيعي گاز, شابدالى, شيە, ەتيلەن پوليمەرلەرٸ, ٶرٸك, قارا ٶرٸك, جٷزٸم سىندى ٶنٸمدەر جەتكٸزٸلەدٸ.
