2020 jyldyń 2 aqpanynda Qazaqstan Respýblikasy azamattarynyń densaýlyq qaýipsizdigin qamtamasyz etý maqsatynda QR DSM Ulttyq shuǵyl meditsina úilestirý ortalyǵy elimizge QHR Ýhan qalasynda júrgen 83 qazaqstandyqty, onyń ishinde 80 stýdentti jetkizdi.
Ushý barysynda bizdiń azamattarymyzdy barlyq qorǵaý quraldarymen qamtamasyz etilgen qazaqstandyq dárigerler súiemeldedi.
Densaýlyq jaǵdaiy tekserilgennen keiin elge oralǵan azamattar qaladan 7 shaqyrym jerde ornalasqan elordanyń kópbeiindi aýrýhanasy janyndaǵy infektsiiaǵa qarsy arnaiy bólingen korpýsta 14 kúndik karantinge jatqyzyldy.
Klinika infektsiialyq qaýipsizdiktiń qajetti tehnologiialarymen, zamanaýi diagnostikalyq, emdik jáne reanimatsiialyq quraldarmen jabdyqtalǵan, tiisti meditsinalyq qyzmetkerleri bar.
Meditsinalyq mekemede evakýatsiialanǵan azamattar qosymsha tekserýden, birinshi kezekte, koronavirýstyq infektsiiaǵa testileýden ótedi.
Karantin kezeńi kezinde elge kelgen adamdarmen tek asa qaýipti infektsiialarmen jumys isteý tájiribesi bar meditsinalyq personal ǵana bailanysta bolady.
Elge jetkizilgen azamattardyń týǵan-týystary men jaqyndary habardar etildi jáne olar karantindik kezeńniń reglamentimen tanystyryldy.
Memleket basshysynyń tapsyrmasy boiynsha QHR-ǵa 13,6 tonna kóleminde meditsinalyq buiymdar túrinde gýmanitarlyq kómek jetkizildi.
Qyrǵyzstan Respýblikasy, Belarýs Respýblikasy jáne Armeniia Respýblikasy bilikteriniń ótinishi boiynsha osy elderdiń de azamattary QHR Ýhan qalasynan evakýatsiialandy.
Barlyq qajetti aqparatty usyný úshin táýlik boiy 1406 sall-ortalyǵy jumys isteidi.
