Qazaqstanda aýrýdyń 82%-i durys tamaqtanbaý, shylym shegý, jasandy túsik jasatý, alkogol ónimderin tutyný sekildi infektsiialyq emes faktorlardan týyndaidy. Bul týraly «Amansaýlyq» qoǵamdyq qorynyń prezidenti Baqyt Túmenova Ortalyq kommýnikatsiialar qyzmetinde ótken baspasóz máslihatynda málimdedi, dep habarlaidy Baq.kz tilshisi.
«Dúniejúzilik densaýlyq saqtaý uiymynyń málimetinshe, adam 120 jyl ómir súre alady. Bul óte jaqsy. Qazaqstanda ómir súrý uzaqtyǵy artyp keledi, shamamen 70 jastan joǵarylady. Sonda biz 50 jyldai ómirimizdi súrmeimiz. Bul nege bailanysty? Birinshi kezekte aýrýdyń aldyn alý men eskertýge bailanysty bolyp otyr. Qytaidyń «aýrý bastalmastan úsh jyl buryn eskertý kerek» degen sózi bar, biraq bul bizde oryndalmai otyr», - dedi Túmenova.
Ol Qazaqstan Respýblikasynda aýrýdyń 82 protsenti infektsiialyq emes faktorlardan týyndaidy, iaǵni durys tamaqtanbaý, shylym shegý, jasandy túsik jasatý, alkogol ónimderin tutyný jáne basqa da faktorlarǵa bailanysty bolyp otyrǵanyn atap ótti.
«Ishimdikpen kúrespek bolyp, oǵan tolyqtai tyiym salmaq bolǵanymyz esimde. Qazaqstan álemniń damyǵan 30 eliniń qataryna kirýge talpynyp jatyr. Biraq 15 jastan asqan alkogol ónimderin tutynatyn adamdar sany boiynsha Qazaqstan Orta Aziiada 1-orynda tur. Damyǵan elderdiń qataryna kirmesten buryn tym quryǵynda osy ishimdik barerin buzýymyz kerek. Elimizde 15 jastan bastap jan basyna shaqqanda jylyna alkogol sýsyndaryn tutyný 9 litrdi quraidy. Sonyń ishinde 62 protsenti áseri kúshti sýsyndar», - dedi qoǵamdyq qor prezidenti.
Ol ziiandy zattarǵa birden tyiym salý oń nátije bermeitinin atap ótti.
«Biz birnársege tyiym salǵan kezde ol óte qatty suranysqa ie bola bastaidy. Ziiandy zattardy azaitý kontseptsiiasy boiynsha ony satylap júrgizýimiz qajet», - dedi Túmenova.
