3 aqpanda beinekonferentsiia formatynda OPEK+ ministrlikteri birlesken monitoring komitetiniń 26-otyrysy ótti, dep habarlaidy QR EM baspasóz qyzmeti.
Kezdesýde óndiristi qysqartý boiynsha qabyldanǵan sharalardyń arqasynda álemdik munai naryǵyndaǵy oń úrdister atap ótildi.
2021 jyly álemdik ekonomikanyń ósýi 4,4% deńgeiinde, munaiǵa degen álemdik suranys táýligine 95,9 mln.barreldi quraidy dep boljanýda (2020 jylmen salystyrǵanda ósim táýligine 5,6 mln. barrel).
Sondai-aq, jeltoqsan aiynda Kelisimge qatysýshy elderdiń mindettemelerin oryndaýy boiynsha kórsetkishterdiń jaqsarǵany atap ótildi (101%, onyń ishinde OPEK elderi – 103%, OPEK emes elder – 93%).
Qazaqstan, óz kezeginde, óz mindettemelerin oryndaý jáne budan buryn artyǵymen óndirilgen kólemderdi óteý boiynsha sharalar qabyldaýǵa ázir ekendigin jetkizdi.
