Eki aidyń ishinde munai óndirýdi táýligine 9,7 million barrelge qysqartýdy qarastyratyn OPEK+ kelisimi aiasynda Qazaqstan óndirýdi táýligine 390 myń barrelge azaitýǵa mindetteme aldy, dep habarlaidy "Ult aqparat" QR Energetika ministrliginiń baspasóz qyzmetine silteme jasap.
Álemde jáne Qazaqstanda munaiǵa suranystyń tómendeýi aiasynda munai qorlarynyń edáýir profitsitiniń bolýyna bailanysty biylǵy jyldyń ekinshi toqsanynda munai saqtaý oryndarynyń tolyp ketý jáne qazaqstandyq ken oryndarynyń avariialyq toqtaý qaýpi týyndaidy.
Osyǵan bailanysty, ministrlik mamyr-maýsym ailarynda munai óndirýdi shekteý qajet bolatyn jer qoinaýynyń jekelegen ýchaskeleriniń tizbesimen birge «Kómirsýtekterdi barlaý jáne óndirý jónindegi operatsiialardy jáne óndirý jónindegi operatsiialardy júrgizý úshin jer qoinaýy ýchaskelerin paidalanýǵa ýaqytsha shekteýler engizý týraly» Úkimet qaýlysynyń jobasyn ázirledi.
«Óndiristi shekteý ortasha, iri jáne alyp ken oryndary sanatyna jatatyn ken oryndaryna qoldanylady. Atalǵan jer qoinaýy tizbesine ekonomikalyq faktorlarǵa bailanysty óndirýdiń tabiǵi tómendeýi kútiletin shaǵyn jáne usaq ken oryndary kirmegen.
Bul qaýly barlyq Qazaqstan Respýblikasynyń ishki naryǵynyń munai ónimderiniń qajetti kólemine degen qajettiligin qamtamasyz etýdi eskere otyryp, barlyq óndirýshi kompaniialarǵa kemsitýshiliksiz kózqarasty, sondai-aq iri jobalar men óndirýdiń tabiǵi tómendeýi kezeńinde turǵan baiyrǵy ken oryndary úshin munai óndirýdi azaitý jónindegi mindettemelerdi ádil bólýdi kózdeidi», delingen habarlamada.
