OPEK+ kelisimine qatysýshy elderdiń ministrler májilisinde Qazaqstannyń aqpan aiyndaǵy munai óndirý kvotasy 1,589 mln barrel bolyp belgilendi, dep habarlaidy QazAqparat.
Bul týraly QR Energetika ministrliginiń baspasóz qyzmeti málim etti.
Búgin OPEK+ kelisimine qatysýshy elderdiń ministrler májilisi beinekonferentsiia formatynda ótti. Jiynda jeltoqsan aiynlý deńgeii talqylandy. Máselen, Qazaqstannyń mindettemelerdi oryndaý deńgeii jeltoqsan aiynda 122% bolǵan.
«Otyrys qorytyndysy boiynsha shekteýlerdi tolyq alyp tastaǵanǵa deiin OPEK+ elderiniń qazirgi munai óndirý deńgeiin ai saiyn táýligine 400 myń barrelge arttyrýdy jalǵastyrý týraly sheshim qabyldandy», - dep jazylǵan ministrliktiń málimetinde.
Munyń ishinde Qazaqstanǵa belgilengen kvota da artyp otyr.
«Qańtar jáne aqpan ailarynda OPEK+ sheńberinde Qazaqstan úshin kvota sáikesinshe táýligine 1,572 jáne 1,589 mln barreldi quraidy. 2022 jylǵy naýryzdaǵy mindettemeler táýligine 1,605 mln barreldi quraidy», - delingen resmi túsindirmede.
