Qazaqstan OPEK+ qatysýshy elder arasynda 2020 jyldyń mamyr-shilde ailarynda munai óndirýdi táýligine 9,7 mln barrelge deiin ujymdyq qysqartý týraly kelisim boiynsha jańa mindettemelerge qosyldy, dep habarlaidy "Ult aqparat" QR Energetika ministrliginiń baspasóz qyzmetine silteme jasap.
OPEK + kelisimine qatysý suranys pen usynys teńgerimin jáne munai baǵasyn qalpyna keltirýge baǵyttalǵan. Qoimalarda munaidyń tolyp ketý qaýpin boldyrmaý úshin Energetika ministrligi orta, iri jáne alyp ken oryndarynda óndiristi shekteý týraly sheshim qabyldaǵan bolatyn. Ken oryndarynyń barlyq túrleri úshin munai óndirýdi qysqartý boiynsha mindettemelerdi ádil bólý kózdeldi.
Qazaqstan óz mindettemelerin oryndaý úshin barlyq qajetti sharalardy qabyldaidy. Kelisimge sáikes Qazaqstannyń shilde aiyndaǵy mindettemeleri táýligine 1,319 mln barreldi quraityn. Aldyn ala málimetter boiynsha, shilde aiynda ortasha táýliktik óndirý táýligine 1,313 mln barrel nemese mindettemelerdiń 101%-yn qurady. Respýblika Kelisimniń mindettemelerin oryndaǵany týraly derekterdi OPEK + hatshylyǵyna joldady.
Mámilege qatysýdyń arqasynda naryqtyń barlyq qatysýshylary munai óndirýdiń baqylanatyn jáne birtindep tómendeýine qol jetkizdi, bul óz kezeginde álemdik munai salasyna oń áser etip otyr.
