Qazaqstan Munai eksporttaýshy elder uiymy (OPEK) aldyndaǵy óziniń munai óndirý kólemin qysqartý mindettemesin oryndaidy. Bul týraly búgin Úkimettiń selektorlyq rejimdegi otyrysynan keiin BAQ ókilderiniń saýalyna jaýap bergen elimizdiń Energetika ministri Qanat Bozymbaev málim etti, dep habarlaidy QazAqparat.
Esterińizge sala ketsek, Qazaqstan OPEK-ke aǵymdaǵy jyldyń birinshi jartyjyldyǵynda munai óndirý kólemin 2016 jyldyń qarashasynda tirkelgen táýligine 1,7 mln. barrelden kúninen 20 myń barrel kem óndirýge ýáde bergen edi.
Qazaqstan mindettemeni jarty jylǵa alyp otyr. Olar bizge alty ai boiy 1,7 millionnan (táýligine) 20 myń barrel qysqartyp otyrýymyz qajet deidi. Qańtarda, nemese aqpan men naýryzda qansha kólemdi qysqartýymyz qajetti týraly ádisteme joq. Sóz ortasha eseppen 6 aidyń ishindegi kólem jaiynda bolyp otyr. Biz ony ustanamyz degen oidamyz», - dedi Bozymbaev.
Aita keterligi, osy jyldyń naýryz aiynyń basynda Energetika ministri Qazaqstannyń munai eksporttaýshy elder uiymy aldyndaǵy mindettemesin oryndap otyrǵandyǵyn aitqan bolatyn.
Al sol aidyń sońǵy kúnderinde taǵy da BAQ ókilderiniń saýalyna jaýap bere kele Bozymbaev elimiz munai óndirý kólemin qasqarpaitynyn, biz tek arttyra alatynymyzdy jetkizgen edi.
Este bolsa, ótken jyly kartel músheleri óndiris kólemin táýligine 1 mln 200 myń barrelge qysqartýǵa kelisken bolatyn. Al OPEK elderine kirmeitin Qazaqstan siiaqty elder munai óndirýdi táýligine barlyǵy 558 myń barrelge qysqartýǵa kelisti. Onyń negizgi salmaǵyn Resei ózine aldy. Ol óndiristi táýligine 300 myń barrelge azaitatyn boldy. Ázerbaijan 35 myńǵa, Meksika 100 myńǵa qysqartýǵa kelisti.
