قازاقستان مۇناي ەكسپورتتاۋشى ەلدەر ۇيىمى (وپەك) الدىنداعى ٶزٸنٸڭ مۇناي ٶندٸرۋ كٶلەمٸن قىسقارتۋ مٸندەتتەمەسٸن ورىندايدى. بۇل تۋرالى بٷگٸن ٷكٸمەتتٸڭ سەلەكتورلىق رەجٸمدەگٸ وتىرىسىنان كەيٸن باق ٶكٸلدەرٸنٸڭ ساۋالىنا جاۋاپ بەرگەن ەلٸمٸزدٸڭ ەنەرگەتيكا مينيسترٸ قانات بوزىمباەۆ مەلٸم ەتتٸ, دەپ حابارلايدى قازاقپارات.
ەستەرٸڭٸزگە سالا كەتسەك, قازاقستان وپەك-كە اعىمداعى جىلدىڭ بٸرٸنشٸ جارتىجىلدىعىندا مۇناي ٶندٸرۋ كٶلەمٸن 2016 جىلدىڭ قاراشاسىندا تٸركەلگەن تەۋلٸگٸنە 1,7 ملن. باررەلدەن كٷنٸنەن 20 مىڭ باررەل كەم ٶندٸرۋگە ۋەدە بەرگەن ەدٸ.
قازاقستان مٸندەتتەمەنٸ جارتى جىلعا الىپ وتىر. ولار بٸزگە التى اي بويى 1,7 ميلليوننان (تەۋلٸگٸنە) 20 مىڭ باررەل قىسقارتىپ وتىرۋىمىز قاجەت دەيدٸ. قاڭتاردا, نەمەسە اقپان مەن ناۋرىزدا قانشا كٶلەمدٸ قىسقارتۋىمىز قاجەتتٸ تۋرالى ەدٸستەمە جوق. سٶز ورتاشا ەسەپپەن 6 ايدىڭ ٸشٸندەگٸ كٶلەم جايىندا بولىپ وتىر. بٸز ونى ۇستانامىز دەگەن ويدامىز», - دەدٸ بوزىمباەۆ.
ايتا كەتەرلٸگٸ, وسى جىلدىڭ ناۋرىز ايىنىڭ باسىندا ەنەرگەتيكا مينيسترٸ قازاقستاننىڭ مۇناي ەكسپورتتاۋشى ەلدەر ۇيىمى الدىنداعى مٸندەتتەمەسٸن ورىنداپ وتىرعاندىعىن ايتقان بولاتىن.
ال سول ايدىڭ سوڭعى كٷندەرٸندە تاعى دا باق ٶكٸلدەرٸنٸڭ ساۋالىنا جاۋاپ بەرە كەلە بوزىمباەۆ ەلٸمٸز مۇناي ٶندٸرۋ كٶلەمٸن قاسقارپايتىنىن, بٸز تەك ارتتىرا الاتىنىمىزدى جەتكٸزگەن ەدٸ.
ەستە بولسا, ٶتكەن جىلى كارتەل مٷشەلەرٸ ٶندٸرٸس كٶلەمٸن تەۋلٸگٸنە 1 ملن 200 مىڭ باررەلگە قىسقارتۋعا كەلٸسكەن بولاتىن. ال وپەك ەلدەرٸنە كٸرمەيتٸن قازاقستان سيياقتى ەلدەر مۇناي ٶندٸرۋدٸ تەۋلٸگٸنە بارلىعى 558 مىڭ باررەلگە قىسقارتۋعا كەلٸستٸ. ونىڭ نەگٸزگٸ سالماعىن رەسەي ٶزٸنە الدى. ول ٶندٸرٸستٸ تەۋلٸگٸنە 300 مىڭ باررەلگە ازايتاتىن بولدى. ەزەربايجان 35 مىڭعا, مەكسيكا 100 مىڭعا قىسقارتۋعا كەلٸستٸ.
