- QR Energetika ministri Qanat Bozymbaev munai óndirýdi qysqartý boiynsha OPEK múshesi emes elderdiń kelisimi jóninde túsinik berdi, dep habarlaidy Ult.kz tilshisi «QazAqparat» agenttigine silteme jasap.
«Tómendeý Qazaqstan úshin simvoldyq desek te bolady. Qazaqstannyń qarashadaǵy táýliktik munai óndirý kólemi 1,7 mln. tonnany quraǵandyǵyn eskerer bolsaq, 20 myń tonna - bul is júzinde simvoldyq tómendeý. Qarashada bizdiń elimiz rekordtyq munai óndirdi. Bul osy jyly Qarshyǵanaq pen Teńiz ken ornyndarynyń kúrdeli jóńdeýden ótýine, buǵan qosa, Qashaǵannyń qatarǵa qosylýyna bailanysty jait», - dedi ministr.
Onyń atap ótýinshe, qazirgi ýaqytta Qashaǵannyń táýliktik munai óndirý deńgeii 120 myń barrelge jetip otyr.
«OPEK elderindegi jáne OPEK-ke kirmeitin elderdegi áriptesterimiz Qashaǵannyń mánin naqty túsinedi. Sondyqtan da Qazaqstannyń OPEK-tiń basqa da eldermen birge naryqtaǵy munaidy shekteýdi qoldaityndyǵyn bildirý mańyzdy boldy», - dedi ol.
Ministr óz sózinde álemdik munai óndirý kólemin tómendetý qajettigi neden týyndap otyrǵandyǵyn da túsindirip berdi. «Munai tutynýshy elderde munai men munai ónimderiniń mol qory jinaqtalyp qaldy. Munai óndirýshi-eksporttaýshy elder kelesi jyldyń alǵashqy jartyjyldyǵynda qoimalarda jinalyp qalǵan osy qordy aitarlyqtai tómendetýge múmkindik beretin sheshim qabyldap otyr. Mine sol kezde naryq sáikestenip, óndirý men tutyný teńgerimi ózgeriske ushyraidy. Al bul naryqtyq baǵaǵa áser etýi tiis. Jalpy, Qazaqstannyń qatysýy óte mańyzdy boldy. Óitkeni, barlyǵy da bizdi mundai jasai almaidy jáne jasamaidy da dep oilady. Biraq, biz óńirlik munai derjavasy bolýdy qoiyp, álemde barynsha laiyqty rólge ie ekendigimizdi kórsettik. Kezdesýde bolǵan OPEK-ke kirmeitin 11 eldiń ishinde biz munai óndirý deńgeii boiynsha Meksikadan keiingi ekinshi oryndamyz», - dedi Bozymbaev.
Ministrdiń aitýynsha, Aqtóbe men Qyzylorda oblystaryndaǵy ken oryndarynan munai óndirý kóleminiń tómendegendigi baiqalady.
«Buǵan qosa, Batys Qazaqstan oblysyndaǵy eki ken ornynda jyl basynda óndirý kelemi artýy tiis edi. Biraq, óndirý kólemin arttyrý ekinshi jartyjyldyqqa shegeriledi. Mine osy balans, jelidegi oiyndy jeltoqsannyń ekinshi onkúndiginde tolyqtai ázirleimiz jáne árbir munai óndirýshi kompaniiaǵa jetkizemiz. Al Qarashyǵanaq, Qashaǵan nemese TShO syndy júzege asyrylyp jatqan iri jobalarda qandai da bir shekteý bolmaidy», - dedi ol.
Sonymen qatar ol OPEK elderiniń ýaǵdalastyǵyna bailanysty munai óndirý kólemin óndirý qańtar aiynan bastap qolǵa alynatyndyǵyn atap ótti.
«Qańtar aiynda munai barreli 60 dollardan astatyn bolsa, bizdiń biýdjetimizge de, Ulttyq qorymyzǵa da ájeptáýir salyq túsetin bolady. Óitkeni, qazirgi tańda biýdjette munai baǵasy 35 dollar bolyp belgilengen», - dedi Bozymbaev.
.jpeg)