Qazaqstan munai óndirý kólemin táýligine 390 myń barrelge qysqartady. Memleket OPEK+ kelisimi aiasynda eki ai merzimge osyndai mindetteme aldy, dep habarlaidy energetika ministrliginiń baspasóz qyzmeti.
"Qazaqstan munai óndirýdi táýligine 390 myń barrelge qysqartý mindetin moinyna aldy. Mundai sheshim, birinshi kezekte, munai naryǵynda ǵana emes, búkil álemde qalyptasqan qiyn jaǵdaidan týyndap otyr", - delingen habarlamada.
Eger OPEK + mámilesi jasalmasa, munai óndirýshi elder báribir de óndirý kólemin azaitatyn edi, dep sanaidy ministrlik.
"Sebebi qazir munai óndirýshi elder aldynda qoimalardyń tolyp ketýi, suranystyń bolmaýy sekildi problemalar tur", - dedi vedomstvodan.
Energetika ministrligi qazir munai óndirisin qysqartý stsenariiin ázirlep jatyr.
12 sáýirde OPEK+ kelisimine qatysýshy elder ministrlikteriniń vebinary barysynda OPEK+, sondai-aq onyń quramyna kirmeitin memleketter munai óndirýdi táýligine 9,7 million barrelge qysqartý týraly kelisimge keldi.
Bastapqyda 9,7 million, artynsha segiz jáne alty million barrelge azaitady.
