Qazaq eli munai-gaz salasynda bolǵan quldyraý kezeńinen ótti. Aldaǵy jyly Qazaqstanda infliatsiia deńgeii aitarlyqtai ózgermeidi. Al JIÓ biyl shamamen 0,7%-ǵa ósse, endigi jyly atalmysh kórsetkish 2,4%-ǵa ósýi múmkin. Bul týraly Astanada «Qazaqstan: Jańa investitsiialyq múmkindikter» taqyrybynda ótip jatqan konferentsiiada elimizdegi «Eýropa qaita qurý jáne damý banki» ókildiginiń direktory Djanet Hekman málimdedi, dep habarlaidy Baq.kz tilshisi.
«Eýropa qaita qurý jáne damý banki» Qazaqstannyń barlyq óńirinde jumys isteidi. Sondai-aq, bank ekonomikanyń barlyq salasynda qyzmet kórsetedi. Biz Qazaqstannyń ekonomikalyq jaǵdaiyn basqa halyqaralyq uiymdar jáne donorlyq kompaniialarmen salystyrǵanda birshama artyq bilemiz. Bizdiń qazaqstandyq ekonomikaǵa kózqarasymyz BAQ-qa qaraǵanda optimizmge toly», - dedi sheteldik maman.
Sondai-aq, Djanet Hekman elimizdiń jahandyq daǵdaryspen tiimdi kúresip jatqandyǵyn atap ótti.
«Qazaqstan munai-gaz salasyndaǵy quldyraý kezeńinen ótti. Elderińiz bul qiyndyqty eńserdi. Osy jyly jalpy ishki ónim shamamen 0,7%-ǵa ósedi dep josparlap otyrmyz. Al aldaǵy jyly bul kórsetkish shamamen 2,4%-ǵa ósýi múmkin. Infliatsiia óziniń quldyraý shegine jetti. Bizdiń sarapshylar kelesi jyldyń aiyna deiin jáne aldaǵy aida infltsiia aitarlyqtai ózgermeidi dep boljap otyr. Bizdiń pikirimizshe, ótimdilik (taýarlardyń – red.) óz qalpyna kelip jatyr. Sondyqtan aldaǵy ýaqytta bul kórsetkishter ósedi boljap otyrmyz. Sebebi, úkimet daǵdarys kezinde tiimdi jobalardy iske qosty. Sondyqtan Qazaqstannyń investitsiialyq áleýeti joǵary », - dedi direktor.
Sonymen qatar, elimizdegi «Eýropa qaita qurý jáne damý banki» ókildiginiń direktory respýblikada investorlar úshin jasalǵan jumystardy joǵary baǵalap, sheteldik kásipkelerdi Qazaqstanda jumys isteýge shaqyrdy.
«Qazirgi tańda Qazaqstanda biznes klimat jaqsardy. Biraq bul kórsetkish bizdi qyzyqtyryp otyrǵan joq. Bizdi jańa múmkindikter qyzyqtyryp otyr. Biz infraqurylym, munai-gaz, agro-biznes salalarynda jumys istegimiz keledi. Qazaqstanda úlken múmkindikter bar. Ortalyq Aziiadaǵy inframqurylymǵa qajettilik 21 mlrd dollarǵa jýyq qarjyny quraidy. Onyń ishinde Qazaqstannyń alar orny erekshe. Al BUU málimetinshe, 2020 jyly Eýraziia kontinentindegi elder arasyndaǵy saýda ainalymy 1,2 trln dollardy quraityn bolady. Eki jyl buryn bul kórsetkish 800 mlrd dollar bolǵan edi», - dedi ol.
.jpeg)