Elbasy Nursultan Nazarbaev Tokioda Japoniianyń syrtqy ister ministri Fýmio Kisidamen kezdesti, dep habarlaidy "Ult aqparat" Aqordaǵa silteme jasap.
Kezdesý barysynda Qazaqstan men Japoniianyń ózara is-qimylynyń túrli aspektileri talqylanyp, halyqaralyq kún tártibindegi ózekti máseleler jóninde pikir almasyldy.
Nursultan Nazarbaev Qazaqstan men Japoniia seriktestiginiń joǵary deńgeige jetkenin jáne sapar aiasynda ótip jatqan kelissózder aldaǵy ýaqytta onyń aiasyn keńeitýge baǵyttalatynyn atap ótti.
«Bizdiń elderimiz iadrolyq qarýdyń zardabyn tikelei óz basynan ótkerdi. Japoniia men Qazaqstan antiiadrolyq qozǵalystyń kóshbasshylary bolyp sanalady. Bul jumysty biz birlesip jalǵastyramyz dep senemin. Meniń Hirosimaǵa aldaǵy saparymnyń maqsaty – japon halqymen niettestigimizdi bildirý, biz HHI ǵasyrda iadrolyq qarýsyz álem qalyptastyrý jolynda birlese jumys júrgizýdemiz», – dedi Memleket basshysy.
Sondai-aq, Qazaqstan Prezidenti eki eldiń halyqaralyq arenadaǵy ózara is-qimylynyń belsendi túrde júrgizilip otyrǵanyna nazar aýdardy.
«Japoniia diplomatiiasynyń barlyq baǵytta, sonyń ishinde Ortalyq Aziiadaǵy belsendiligin atap ótkim keledi. Japoniia men Qazaqstannyń búkil halyqaralyq isterge qatysty ustanymdary uqsas», – dedi Elbasy.
F.Kisida Nursultan Nazarbaevtyń Japoniia Premer-ministrimen ótkizgen kelissóziniń jemisti bolǵanyn aitty.
«Qazaqstan táýelsizdik alǵannan bergi Sizdiń kóshbasshylyǵyńyzǵa shynaiy qurmetpen qaraimyz. Qazaqstannyń BUU Qaýipsizdik keńesiniń turaqty emes múshesi bolyp sailanýy – Sizdiń tabysty jetekshilik etýińizdiń kórsetkishi», – dedi Japoniia syrtqy ister ministri.
