kórneki sýret
Sońǵy bir jylda Qazaqstan men Ýkraina arasyndaǵy taýar ainalymy alǵash ret 1 milliard dollarǵa jetti, - dep habarlaidy Tengrinews.kz tilshisi ranking.kz saityna silteme jasap.
Qazaqstan men Ýkraina arasyndaǵy taýar ainalymy sońǵy tórt jylda alǵash ret 2020 jylǵy 767,9 million dollardan 2021 jyly 1 milliard dollarǵa deiin ósti. Saýda kólemi pandemiiaǵa deiingi jyldarmen salystyrǵanda áli de tómen: 2016-2019 jyldary taýar ainalymy 1,3-1,6 milliard dollar aralyǵynda ózgerdi.
Ýkrainamen saýda kóleminiń jartysynan astamy Qazaqstannan eksporttalady. 2021 jyly Qazaqstannan Ýkrainaǵa eksport taýar ainalymynyń 56 paiyzyn nemese 575,2 million dollardy qurasa, Ýkrainadan Qazaqstanǵa import 451,4 million dollardy qurady.
Ýkrainaǵa 792 tonna kómir, 223 myń tonna mineraldy jáne himiialyq tyńaitqyshtar eksporttaldy.
Ýkrainadan 19 myń tonna et, 879 tonna dári-dármek, 9,7 myń tonna qaǵaz jáne karton, 3,2 myń tonna aýyl sharýashylyǵy tehnikasy importtaǵan.
Biylǵy jyldyń basynan beri elde Ýkrainanyń qatysýymen 796 kompaniia jumys istep tur, bul bir jyl burynǵydan 11,5 paiyzǵa kóp.
2021 jyldyń qańtar-qyrkúiek ailarynda Ýkrainadan Qazaqstanǵa investitsiia aǵyny 1,7 million dollar boldy, bul ótken jyldyń osy kezeńimen salystyrǵanda 6,5 ese kóp.
Qazaqstandyq investorlar da sońǵy jyldary Ýkraina ekonomikasyna kóbirek investitsiia quiǵan. Máselen, 2021 jyldyń qańtar-qyrkúiek ailarynda Qazaqstannan Ýkrainaǵa tikelei investitsiialardyń jalpy aǵyny 8,1 mln dollar.
