Foto: Aqorda
Qasym-Jomart Toqaev pen Rejep Taiip Erdoǵan beinebailanys rejimi arqyly Túrkiiada boi kótergen Qoja Ahmet Iasaýi atyndaǵy mekteptiń ashylý saltanatyna qatysty, dep habarlaidy Ult.kz.
Gaziantep provintsiiasynyń Nýrdagy qalasynda ornalasqan zamanaýi bilim oshaǵynda 32 bastaýysh jáne 4 mektepke deiingi synyp qarastyrylǵan. Ǵimarattyń jalpy aýdany – 6 myń sharshy metr.
Bilim berý kesheni mamandandyrylǵan oqý kabinetterimen, zerthanalarmen, májilis zalymen, kitaphanamen jabdyqtalǵan.
Mektep aýmaǵynda amfiteatr, sport jáne balalar oiyn alańdary men qazaqtyń ulttyq kiiz úii stilinde jasalǵan shatyrlar bar.
Qurylys barysynda joba Túrkiianyń qaýipsizdik talaptary men qazirgi normalaryna sai jetildirilip otyrdy.
Óńirdiń ereksheligine beiimdelgen injenerlik sheshimder arqyly seismikalyq qaýipsizdik, ylǵaldan saqtaý jáne jylý únemdeý júieleri qoldanyldy.
2023 jyldyń 6 aqpanyndaǵy joiqyn zilzaladan zardap shekken óńirge arnalǵan jańa mektep salý bastamasyn Qazaqstan Prezidenti Qasym-Jomart Toqaev kótergeni belgili.
