QR Premer-Ministriniń orynbasary Roman Skliar Tatarstanǵa jumys saparymen bardy, dep habarlaidy "Ult aqparat" primeminister.kz saityna silteme jasap.
Sapar aiasynda QR Premer-Ministriniń orynbasary Roman Skliar Nijnekamsk jáne Naberejnye Chelny qalalarynda boldy. Onda Qazaqstan Respýblikasy men Tatarstan Respýblikasy arasyndaǵy ónerkásiptik kooperatsiia jáne investitsiialyq yntymaqtastyq máseleleri qaraldy .
Sapar barysynda Roman Skliar Tatarstan Premer-Ministri Aleksei Pesoshinmen jáne «KAMAZ» ÓAQ, «Tatneft» ÓAQ, «Nijnekamskshina» ÓAQ iri ónerkásiptik jáne qala quraýshy kásiporyndarynyń basshylarymen ekijaqty kezdesýler ótkizdi. Qazaqstan Úkimeti basshysynyń orynbasary óndiristik qýat kózderimen tanysyp, avtomobil jasaý, munai-himiia ónerkásibi, sondai-aq avtomobil jáne ónerkásiptik shinalar óndirisi salasynda birlesken óndirister qurý jáne investitsiialyq jobalardy iske asyrý máselelerin talqylady.
Atap aitqanda, «Tatneft» ÓAQ men «Alliýr» kompaniialar toby» AQ arasynda Qazaqstan Respýblikasynda shina óndirisin uiymdastyrý boiynsha jol kartasyna qol qoiyldy. Jobany iske asyrý 1000 jumys ornyn qurýǵa jáne shinalarǵa degen ósip kele jatqan suranysty qanaǵattandyrýǵa, óndiristi oqshaýlaýǵa, kórshi elderge eksporttyq áleýetti damytýǵa múmkindik beredi. Bul rette óndiristik qýaty jeńil tehnika úshin 3 mln shinany quraityndyqtan, ulǵaitý múmkindigin 3,6 mln shinaǵa deiin arttyrýǵa bolady.
Qazaqstandyq tarap tikelei sheteldik investitsiialardy tartý, otandyq ónerkásipti damytý jáne importty almastyrý máseleleri QR Úkimeti qyzmetiniń basym baǵyttary bolyp tabylatynyn atap ótti.
Sapar qorytyndysy boiynsha taraptar ekijaqty saýda-ekonomikalyq jáne investitsiialyq yntymaqtastyq jobalaryn iske asyrý jónindegi jumysty jandandyrýǵa kelisti.
