قر پرەمەر-مينيسترٸنٸڭ ورىنباسارى رومان سكليار تاتارستانعا جۇمىس ساپارىمەن باردى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ساپار اياسىندا قر پرەمەر-مينيسترٸنٸڭ ورىنباسارى رومان سكليار نيجنەكامسك جەنە نابەرەجنىە چەلنى قالالارىندا بولدى. وندا قازاقستان رەسپۋبليكاسى مەن تاتارستان رەسپۋبليكاسى اراسىنداعى ٶنەركەسٸپتٸك كووپەراتسييا جەنە ينۆەستيتسييالىق ىنتىماقتاستىق مەسەلەلەرٸ قارالدى .
ساپار بارىسىندا رومان سكليار تاتارستان پرەمەر-مينيسترٸ الەكسەي پەسوشينمەن جەنە «كاماز» ٶاق, «تاتنەفت» ٶاق, «نيجنەكامسكشينا» ٶاق ٸرٸ ٶنەركەسٸپتٸك جەنە قالا قۇراۋشى كەسٸپورىندارىنىڭ باسشىلارىمەن ەكٸجاقتى كەزدەسۋلەر ٶتكٸزدٸ. قازاقستان ٷكٸمەتٸ باسشىسىنىڭ ورىنباسارى ٶندٸرٸستٸك قۋات كٶزدەرٸمەن تانىسىپ, اۆتوموبيل جاساۋ, مۇناي-حيمييا ٶنەركەسٸبٸ, سونداي-اق اۆتوموبيل جەنە ٶنەركەسٸپتٸك شينالار ٶندٸرٸسٸ سالاسىندا بٸرلەسكەن ٶندٸرٸستەر قۇرۋ جەنە ينۆەستيتسييالىق جوبالاردى ٸسكە اسىرۋ مەسەلەلەرٸن تالقىلادى.
اتاپ ايتقاندا, «تاتنەفت» ٶاق مەن «الليۋر» كومپانييالار توبى» اق اراسىندا قازاقستان رەسپۋبليكاسىندا شينا ٶندٸرٸسٸن ۇيىمداستىرۋ بويىنشا جول كارتاسىنا قول قويىلدى. جوبانى ٸسكە اسىرۋ 1000 جۇمىس ورنىن قۇرۋعا جەنە شينالارعا دەگەن ٶسٸپ كەلە جاتقان سۇرانىستى قاناعاتتاندىرۋعا, ٶندٸرٸستٸ وقشاۋلاۋعا, كٶرشٸ ەلدەرگە ەكسپورتتىق ەلەۋەتتٸ دامىتۋعا مٷمكٸندٸك بەرەدٸ. بۇل رەتتە ٶندٸرٸستٸك قۋاتى جەڭٸل تەحنيكا ٷشٸن 3 ملن شينانى قۇرايتىندىقتان, ۇلعايتۋ مٷمكٸندٸگٸن 3,6 ملن شيناعا دەيٸن ارتتىرۋعا بولادى.
قازاقستاندىق تاراپ تٸكەلەي شەتەلدٸك ينۆەستيتسييالاردى تارتۋ, وتاندىق ٶنەركەسٸپتٸ دامىتۋ جەنە يمپورتتى الماستىرۋ مەسەلەلەرٸ قر ٷكٸمەتٸ قىزمەتٸنٸڭ باسىم باعىتتارى بولىپ تابىلاتىنىن اتاپ ٶتتٸ.
ساپار قورىتىندىسى بويىنشا تاراپتار ەكٸجاقتى ساۋدا-ەكونوميكالىق جەنە ينۆەستيتسييالىق ىنتىماقتاستىق جوبالارىن ٸسكە اسىرۋ جٶنٸندەگٸ جۇمىستى جانداندىرۋعا كەلٸستٸ.
