Foto: Aqorda
Atap aitqanda, Transkaspii halyqaralyq kólik dálizi jobasyna Sloveniianyń «Lýka Koper» teńiz portyn qatystyrý jóninde ortaq pikirge keldi, dep habarlaidy Ult.kz.
Ózara alys-beristiń kólemin arttyrý úshin prezidentter quzyrly organdarǵa naqty sharalar qabyldaý týraly tapsyrma berdi. Sondai-aq Qasym-Jomart Toqaev Qazaqstannyń sý resýrstaryn basqarý isinde sloven tarapynyń ozyq tájiribesin zerdelep, birlese jumys isteýge daiyn ekenin jetkizdi.
Budan bólek, taraptar mádeni-gýmanitarlyq yqpaldastyq jaiynda da pikir almasty.
"Bilim, ǵylym jáne mádeniet salalaryndaǵy qarym-qatynasty jandandyrýǵa mol múmkindik bar. Jalpy Sloveniianyń bilim berý júiesi dúnie júzinde ozyq júie retinde moiyndalǵan. Sondyqtan biz eki el ýniversitetteri arasynda bailanys ornatýǵa múddelimiz. Sloveniianyń Iojef Stefan institýty Nazarbaev ýniversitetimen bailanys ornatýǵa qyzyǵýshylyq tanytyp otyr. Qazaqstan Sloveniianyń joǵary oqý oryndarymen jáne zertteý ortalyqtarymen yntymaqtastyqty nyǵaitýǵa daiyn", – dedi Memleket basshysy.
Taraptar halyqaralyq jáne aimaqtyq ózekti máselelerdi talqylap, ustanymdarynyń ortaq ekenin jetkizdi.
"Qazirgi geosaiasi jaǵdai óte kúrdeli. Prezident Pirts-Mýsar ekeýimiz álemdegi qaqtyǵystardy Birikken Ulttar Uiymy Jarǵysy men halyqaralyq quqyq qaǵidattaryna sai beibit jolmen sheshý qajet ekenin quptadyq. Kópjaqty qurylymdar aiasyndaǵy yqpaldastyqty odan ári kúsheitýge múddeli ekenimizdi rastadyq. Almatyda Ortalyq Aziia men Aýǵanstan úshin Ornyqty damý maqsattary jónindegi Birikken Ulttar Uiymynyń aimaqtyq ortalyǵyn ashý týraly bastamany qoldaǵan Sloveniia tarapyna rizashylyǵymdy bildiremin. Jalpy búgingi kelissózder jemisti boldy dep kúmánsiz aitýǵa bolady. Osy sapardyń nátijesinde qazaq-sloven yqpaldastyǵy nyǵaiyp, jańa deńgeige kóteriledi dep senemin. Birlesken kúsh-jigerimizdiń arqasynda biz ortaq maqsattarǵa qol jetkizemiz", – dedi Qasym-Jomart Toqaev.
