فوتو: اقوردا
اتاپ ايتقاندا, ترانسكاسپيي حالىقارالىق كٶلٸك دەلٸزٸ جوباسىنا سلوۆەنييانىڭ «لۋكا كوپەر» تەڭٸز پورتىن قاتىستىرۋ جٶنٸندە ورتاق پٸكٸرگە كەلدٸ, دەپ حابارلايدى Ult.kz.
ٶزارا الىس-بەرٸستٸڭ كٶلەمٸن ارتتىرۋ ٷشٸن پرەزيدەنتتەر قۇزىرلى ورگاندارعا ناقتى شارالار قابىلداۋ تۋرالى تاپسىرما بەردٸ. سونداي-اق قاسىم-جومارت توقاەۆ قازاقستاننىڭ سۋ رەسۋرستارىن باسقارۋ ٸسٸندە سلوۆەن تاراپىنىڭ وزىق تەجٸريبەسٸن زەردەلەپ, بٸرلەسە جۇمىس ٸستەۋگە دايىن ەكەنٸن جەتكٸزدٸ.
بۇدان بٶلەك, تاراپتار مەدەني-گۋمانيتارلىق ىقپالداستىق جايىندا دا پٸكٸر الماستى.
"بٸلٸم, عىلىم جەنە مەدەنيەت سالالارىنداعى قارىم-قاتىناستى جانداندىرۋعا مول مٷمكٸندٸك بار. جالپى سلوۆەنييانىڭ بٸلٸم بەرۋ جٷيەسٸ دٷنيە جٷزٸندە وزىق جٷيە رەتٸندە مويىندالعان. سوندىقتان بٸز ەكٸ ەل ۋنيۆەرسيتەتتەرٸ اراسىندا بايلانىس ورناتۋعا مٷددەلٸمٸز. سلوۆەنييانىڭ يوجەف ستەفان ينستيتۋتى نازارباەۆ ۋنيۆەرسيتەتٸمەن بايلانىس ورناتۋعا قىزىعۋشىلىق تانىتىپ وتىر. قازاقستان سلوۆەنييانىڭ جوعارى وقۋ ورىندارىمەن جەنە زەرتتەۋ ورتالىقتارىمەن ىنتىماقتاستىقتى نىعايتۋعا دايىن", – دەدٸ مەملەكەت باسشىسى.
تاراپتار حالىقارالىق جەنە ايماقتىق ٶزەكتٸ مەسەلەلەردٸ تالقىلاپ, ۇستانىمدارىنىڭ ورتاق ەكەنٸن جەتكٸزدٸ.
"قازٸرگٸ گەوساياسي جاعداي ٶتە كٷردەلٸ. پرەزيدەنت پيرتس-مۋسار ەكەۋٸمٸز ەلەمدەگٸ قاقتىعىستاردى بٸرٸككەن ۇلتتار ۇيىمى جارعىسى مەن حالىقارالىق قۇقىق قاعيداتتارىنا ساي بەيبٸت جولمەن شەشۋ قاجەت ەكەنٸن قۇپتادىق. كٶپجاقتى قۇرىلىمدار اياسىنداعى ىقپالداستىقتى ودان ەرٸ كٷشەيتۋگە مٷددەلٸ ەكەنٸمٸزدٸ راستادىق. الماتىدا ورتالىق ازييا مەن اۋعانستان ٷشٸن ورنىقتى دامۋ ماقساتتارى جٶنٸندەگٸ بٸرٸككەن ۇلتتار ۇيىمىنىڭ ايماقتىق ورتالىعىن اشۋ تۋرالى باستامانى قولداعان سلوۆەنييا تاراپىنا ريزاشىلىعىمدى بٸلدٸرەمٸن. جالپى بٷگٸنگٸ كەلٸسسٶزدەر جەمٸستٸ بولدى دەپ كٷمەنسٸز ايتۋعا بولادى. وسى ساپاردىڭ نەتيجەسٸندە قازاق-سلوۆەن ىقپالداستىعى نىعايىپ, جاڭا دەڭگەيگە كٶتەرٸلەدٸ دەپ سەنەمٸن. بٸرلەسكەن كٷش-جٸگەرٸمٸزدٸڭ ارقاسىندا بٸز ورتاق ماقساتتارعا قول جەتكٸزەمٸز", – دەدٸ قاسىم-جومارت توقاەۆ.
