Qazaqstan men Resei Úkimetteriniń basshylary yntymaqtastyqtyń ózekti máselelerin talqylady, dep habarlaidy "Ult aqparat" primeminister.kz saityna silteme jasap.
«QR Premer-Ministri Álihan Smaiylov RF Úkimetiniń Tóraǵasy Mihail Mishýstinmen telefon arqyly sóilesti.
Áńgimelesý barysynda Úkimet basshylary ekijaqty kún tártibindegi ózekti máselelerdi qarastyryp, saýda-ekonomikalyq yntymaqtastyqty, ónerkásiptik kooperatsiiany jáne óńirlik ózara is-qimyldy arttyrýdyń mańyzdylyǵyna toqtaldy.
Álihan Smaiylov pen Mihail Mishýstin ózara qyzyǵýshylyq týdyratyn negizgi ekonomikalyq salalar boiynsha strategiialyq seriktestikti nyǵaitýǵa daiyn ekendikterin atap ótti», - delingen Úkimettiń resmi saitynda.
