Atyraý oblysy Kóptoǵai aýyly mańyndaǵy shekara qorshaýy buzyldy. Bul týraly Qurmanǵazy oblysynyń ákimi Marat Mýrziev málimdedi, - dep habarlaidy "Aq Jaiyq" basylymy.
Qurmanǵazy aýdanynyń ákimi Murat Murziev málim etkendei, Kóptoǵai aýylyndaǵy daý-damai retteldi. Turǵyndar Qiǵash ózeniniń boiymen 1500 metr uzyndyqta qorshaýdyń turǵyzylýyna qarsy shyqqan bolatyn. Shekara qyzmetkerleri ornatqan baǵanalardy qaita alyp tastady. Olar úi malyna ózennen sý ishýge, al aýyl turǵyndaryna sýarý jumystaryn júrgizýge kedergi keltire bastaǵan edi.
"13 jáne 16 sáýirde jergilikti turǵyndarmen túsindirý jumystary júrgizildi. Qazir ózenge mal sýarý jáne eginge sý alý múmkindigi qarastyryldy. Bul úshin eshqandai kedergi joq", - dedi Mýrziev.
Eske salsaq, 14 sáýirde Atyraý oblysy men Reseidiń Astrahan oblysynyń shekarasynda shekaralyq qorshaý turǵyzyla bastaǵan.
Atyraý oblysynyń Óńirlik kommýnikatsiialar qyzmetinen málim etkendei, bul jumystar 2005 jylǵy 18 qańtarda Máskeýde qol qoiylǵan «Qazaqstan-Resei memlekettik shekarasy týraly kelisimi» aiasynda júrgizilýde.
«Bul jumystar qazir emes, buryn bastalýy tiis edi, biraq ártúrli sebeptermen júzege asyrylmai keldi. Tek biylǵy jyldyń 14 sáýirinde shekarashylar qurylys jumystaryna kiristi. Shekara qorshaýy jumystary júrgizilmes buryn, 13 sáýirde ákimdik, shekara qyzmeti men quqyq qorǵaý organdarynyń ókilderi Kóptoǵai aýylynyń turǵyndarymen kezdesip, jumystardyń zańdylyǵy týraly túsindirý jumystaryn júrgizgen bolatyn. Sondai-aq shekara qyzmeti men quqyq qorǵaý organdary da jasalyp jatqan jumystardyń zańdylyǵyn túsindirdi», - degen edi Qurmanǵazy aýdanynyń ákimi Marat Murziev.
QR UQK Shekara qyzmetiniń ókilderi túsindirgendei, 2013 jyldyń mamyr aiynda ornatylǵan №23 jáne №24 shekaralyq belgiler arasyndaǵy metall qorshaýlar RF aýmaǵyna 10-70 metrge kirip ornalasqan. Sol sebepti qorshaýlar jyljytylýda.
